ئێكرێزی و ئارامی..
بارین نهێلی
بێگومان یاخۆیایه و پێشچاڤه رۆژهه‌لاتا ناڤه‌راست د چه‌ندین كاودانێن سیاسی یێن نه‌چاڤه‌رێكری دا، دمه‌شیت پتریا ده‌وله‌تێن ناڤین، د ئاریشه‌یێن سیاسی دانه، عیراق و هه‌رێما كوردستانێ ژی تایبه‌تی بێ بارنه‌بووینه ژ ڤان كێشه‌یێن سیاسی و ئابووری و ئه‌منی
یا ئاسان نینه د ناڤا ڤان هه‌می كێشه و ململانێن سیاسی یێن نیڤده‌وله‌تی و هه‌رێمی بشێی ئێكرێزی و ته‌بایی و ئارامیێ و به‌رقه‌راریا سیاسی په‌یدابكه‌ی، بێگومان ئه‌م هه‌می دزانین سه‌ركه‌فتنا هه‌ر خێزانه‌كێ و ملله‌ته‌كێ و ده‌وله‌ته‌كێ یا د ئێكرێزیا سیاسی دا، ئێكرێزیێ ئارامی و خۆشگوزه‌رانی، ل دووڤ خوه دئینیت. ئه‌ڤ ئه‌ركه دێ ل پێشیا كارێن رێزدار نێچیرڤان بارزانی دا بن، هه‌رێمێ گه‌له‌ك كێشه‌یێن سیاسی یێن هه‌یین نه‌ئێكرێزی و نه ته‌نازلاتێن سیاسی و ده‌ستێن ده‌ره‌كی د بریارا سیاسی دا بووینه ئه‌گه‌ر كو حه‌تا نوكه پێ دنالیت.
پارتی خوه ب خوه‌دیێ كوردستانی و دۆزا ره‌وایا كوردی دزانیت و هه‌می گاڤان هه‌ولا ئێكرێزیا ناڤمالا كوردی دایه نێچیرڤان بارزانی، كورێ ڤێ پارتیێ یه ب به‌رده‌وامیا سیاسه‌تا حه‌كیمانه‌یا رێزدار سه‌رۆك و مه‌رجه‌عێ كوردستانی مسعود بارزانی په‌یره‌ودكه‌ت، لێ یا مه گوهلێ دبیت نه‌بۆ كه‌سه‌كی حزبی، به‌لكو بۆ هه‌می لایه‌نێن سیاسی ب ئێك چاڤ سه‌حدكه‌ت و رۆله‌كێ گرنك د ئێكرێزیا هه‌رێمێ دا دیتیه، له‌وما ئه‌من و ئاسایشا هه‌رێمێ یا به‌رقه‌راره ل رۆژهه‌لاتا ناڤین، ژبلی كو شیایه ڤێ ئێكرێزیێ بپارێزیت، شیایه په‌یوه‌ندیێن سیاسی توند و تۆل ل گه‌ل ده‌وله‌تین جیهانێ و جیرانی و هه‌ریمێ ب تایبه‌تی ل گه‌ل عیراق و ئیرانێ و توركیا رۆژ بۆ رۆژێ ده‌رگه‌هێن سیاسی و ئابووری بۆ هه‌رێمێ دئێنه‌ڤه‌كرن ل سه‌ر ده‌ستێ سه‌رۆكی گه‌نج و ژێهاتی و قوتابیێ سه‌رۆك و مه‌رجه‌عێ كوردستانی مسعود بارزانی كاك نێچیرڤان بارزانی یه.
دا پێكڤه ده‌ست ل ناڤا ده‌ستی و كێشه‌یێن ناڤخوه‌یی بده‌ینه لایه‌كێ ڤێ هه‌رێمێ ل ناڤا پاپۆره‌كێ ناڤا ده‌ریایی ل هه‌می كێشێن سیاسی بپارێزین دا ئه‌ڤ ئه‌من و ئارامیا ملله‌تێ مه هه‌ر بمینیت.
