بوون ب سەرۆکێ هەرێما کوردسنا پێتڤی ب کەسەک بهێز و خوەدی سیاسەتەکا مەزن هەیە، ژبەرکو ئەڤ پوست دێ مللەتەکی ب رێڤە ببت و ببت پێشەوایێ مللەتەکێ کو توشی هەموو دەردەسەری نەهامەتیان بووی، ئەو کەسێ کو بشێت ئەڤی ئەرکێ مەزن دەینت سەر ملێن خوە دڤێت کەسەک خوەدی ئەزموونەک مەزن بت درێڤەبرنا هەموو کارێن سیاسی.
و دبینم فەرتر ژهەر کەسەکی ئەڤ بەرپرسیارەتی ب نێچیرڤان بارزانی بهێت راستپاردن، ئەگەر بێژین بوچی پوستەکێ سیاسیێ وەها گرنگ پێتڤی ب کاریزما و سیاسەت و دبلوماسیەتا نێچیرڤان بارزانی یە؟ ژبەرکو کوردستان پێتڤی ب وان سەرکردایە یێن کۆ ل دەمێن سەخت و دژوار مللەت ب تنێ نەهێلاین، و خوە بێدەنگ نەکری و نەراوەستیای ل سەر وان هەموو دەردەسەریێن توشی مللەتی بووین، و بەلگە ڤێ یەکێ دسەلمینن کەسەک تمام دسیاسەت و کریزما و دبلوماسیەتێ دا.
هەر ژدەستپێکا حکومرانیا خوەدا نێچیرڤان بارزانی دقوناغەکا سەخت و دژواردا دەستپێکر، ئەوژی قوناغا ئێکگرتیا کوردستانێ بوو، کو پشتی شەرێ ناڤخووی و دوو ئیدارەی دناڤبەرا پارتی و ئێکەتیێ دا، و لدویڤ پێشبینیان ئەڤ چەندە یا بزەحمەتبی ژبۆ کەسەکێ گەنج کو سەروکاتیا حکومەتەکا نویا ئێکگرتی دناڤبەرا دوو حزبێن دژی ئێك دابکت، و بالانسێ دناڤبەرا واندا رابگرت و هەفسەنگیێ پەیدابکت، و نێچیرڤان بارزانی ئەو کارە ب سەرکەفتیانە دەربازکر.ودیسان ل ١٦ئوکتوبەرا سالا٢٠١٧ ئە و خیانەت وهەولا بنپێکرنا حکومەت وشکاندن و روخاندناوێ ژئالیێ ئێکەتیێ ڤە هەرچەندە ئەو بخوە شریکا حکومەتێ ژی بوو، بەلێ خیانەتکرن و چوونە بەغدا و موچە وبودجەیا هەرێما کوردستانێ هاتە برین، و بتنێ ئارمانجا وان شکەستن پێهێنانا پێنگاڤێن سەروک مەسعود بارزانی و نێچیرڤان بارزانی بوون کو ژبو سەربەخوەیا کوردسانێ پێنگاڤ هاڤێتن، بەلێ نێچیرڤان بارزانی ب سیاسەتا خوە ئەو هەمی قەیران دەربازکرن کونها زێدەتر ژنیڤا سەرکەفتنێ دەربازکریە، کوردستانێ بەرەڤ باشتر دبت.
و ژ لایەکێ دیڤە کاریزما و دبلوماسیەتا نێچیرڤان بارزانی،نێچیرڤان بارزانی کو پێشتر دسەروکاتیا جڤاتا وەزیران خودان پەیوەندیێن دبلوماسیێن باش و بهێز بوویە لسەر ئاستێ ناڤخوە و ناڤدەولەتی، ودیسان کەسەکێ قبولکریە لسەر ئاستێ ناڤخوەی و دەرڤە لەوما جهێ باوەریەک مەزنە کو دێ بیتە ئەگەرێ دروستبوونا (کوردستانەکا بهێز) ،دیسان ل ژێر سەروکاتیا نێچیرڤان بارزانی حکوومەتا هەرێما کوردستانێ سیمایێ حکوومەتەکا دیموکرات، مەدەنی و فرە حسبی وەرگرت. نێچیرڤان بارزانی ل پلا ئێکێ دهێت ژبۆ گرنگیدان ب پێشڤەچوونا مروڤان، و پاراستنا مافێ ژنان، و گەشەپێدانا پێشەسازی، پێشخستنا دامودەزگەهێت حکوومەتێ و گرنگیدان ب بوارێ پەروەردێ، ئەڤە هەمی ژی دبت جهێ دلخوەشیا خەلکێ کوردستانێ و ببن پشتەڤانێن مەزن کو نێچیرڤان بارزانی ڤی پوستی ب دەستڤە بینت، دیسان ئەڤ هەماهنگی و هەڤالینیەکا باش کو دگەل سەرکردە و سەروکێن وەلاتێن زلهێزێن جیهانێ هەیە، ئەڤەژی دبت ئەگەرێ پاراستن و بهێزکرنا کوردستانێ لهەمبەر هەر گەڤەکێ، کو بەردەوام نێچیرڤان بارزانی رێگربوویە هەر وەکی مە پشتی ١٦ئوکتوبەرێ دیتی.
ب سەروکاتیا نێچیرڤان بارزانی دچار سالێت بهێت دا، هەرێما کوردستانێ دێ بیتە خوەدی سەرکردەیەکێ بهێز د نوینەراتیا خەلکێ هەرێمێ لسەر ئاستێ سیاسی و ناڤدەولەتی، و دیسان نوینەراتیا هەریما کوردستانێ دچارەکرنا ئاریشان دگەل بەغدا و وەلاتێن بیانی، کو نێچیرڤان بارزانی خوەدیێ پەیوەندێن دبلوماسیێن بهێز بوویە دگەل هەموو وەلاتێن جیهانێ، و د نەخوەشترین کاودانان دا شیای کابینا هەشتێ یا حکوومەتێ برێڤە ببەت و کوردستانێ بهێز بهێلیت، و وەرگرتنا پوستێ سەروکاتیێ دچار سالێت بهێت دا کوردستانێ بەرەڤ قوناغەکا نویتر و پێشکەڤتی تربت.