مەرەم ژ چەمکێ دەولەت لڤێرە مەدڤێت ئاماژێ بدەینە بزاڤا حکومرانیێ و بەردەوامی دانێ ب ئەڤێ بزاڤێ ل ھەمی قوناغان چونکە دام و دەزگەھێن وێ دەولەتێ یان حکومەتێ ل روژھەلاتا ناڤەراست گرێدایی کەسی َئێکێ یێ حکومەتێ نە لەورا زوربەیا پێشکەفتن یان شکەستنێن دەولەتێ بو کەسێ ئێکێ دزڤرن ئەوژی چ سەروک کوماربیت یان سەروک حکومەت بیت , لڤێرە سیستەمی َسیاسی ئەڤی َچەندێ دیاردکەت . ھەردەمێ گوھرینێن ئەرێنی د سەکتەرێن جودا جودا ھاتنە دیتن کول ھەموو ئاستان ژیانا خەلکی ھاتە گوھاتن ل وی دەمی ئەو حکومەت یا گەشێ دکەت و یا سەرکەفتیە . نەخا سمە لدەمێ کریزێن سیاسی و ئابوری و لەشکەری دروست دبن ھزر و فەلسەفا کەسێ ئێکێ ل دەولەتێ رول و کاریگەریا خوە ھەیە گەلەک جاران دبیتە ئاستەنگ وگەلەک جارانژی دبیتە ئەگەرێ دەرباز بون ژوان کریزان . لڤێرێ رێزدار (نێچیرڤان بارزانی )نمونەکا زیندیە ل دەڤەرێ کو رولێ کەسایەتیا بومە دیار و دەست نیشان دکەت . دەمێ ئەم ڤان جورا بابەتان دنڤیسین دیارە کاریگەریا کەسایەتیەکێ لسەر نڤیسینامەھەیە و دبیت ھندەک وەسا ھزربکەن ئەڤ نڤیسینە پتر کەسایەتیە بەلێ راستە چونکە دڤێت ئەم ژبیرنەکەین دەولەت ب زەلامان دھێتە ئاڤاکرن لەورا ھەلسەنگاندنا پروسا حکومرانیێ یا ڤەدەرە ژ کەسان نمونە ،
دەمێ ھەلسەنگاندنا وەزیران دھێتەکرن دی َبینی کەسەک ژ کەسەکێ دی باشتر شیایە وەزیفەتا خوە ئەنجام بدەت و پاشان خرابیێن ھەموو وەزیران کەسێ ئێکێ کو سەروک وەزیرانە لێ بەرپرسیارە . ئەڤجا ئەگەر ئەم ھەلسەنگاندنا چوار سالێن دەرباز بوویی یێن حکومرانیا ھەرێما کوردستانێ بکەین ، جەنابێ نێچیرڤان بارزانی نەبتنێ وەکە سەروک وەزیران رول ھەبویە بەلێ وەکو کاریزمایەکێ سیاسی ژبو چارەسەریا کێشە و گرفتێن لایەنێن سیاسی و رێکخستنا نافمالا کوردی و دروستکرنا باوەریی َدناڤبەرا خەلکی و دەستھەلاتێ ، دروستکرنا پێگەھێ ھەرێمێ ژلایێ ھەرێمێ ڤە و پاراستنا قەوارەیی َسیاسی یی َھەرێما کوردستانێ دگەل دابین کرن و پاراستنا ژین و ژیارا خەلکی . ئەڤەھەموو نەکێمن ژبو کەسایەتیەکێ ل قوناغێن سەخت و دژوار دگەل دووزا مللەتی َخوەبیت ب ھەموو پیڤەرێن دەستھەلاتداریێ .کابینێن بوری یێن کاک نێچیرڤان بارزانی شیاینە خەموو وان بەربەستان بشکێنن یێن بو دھاتنە دروستکرن یانژی ژ سروشتی َکاری دروست بوین .گوھرینا رولێ کەسان لگورەیی گوھرینا دەم وجھی یان دگەل گوھرینا وان گورانکاریێن دروست دبن مەرج و تایبەتمەندیێن خوە ھەنە بو نمونە لدەمێ شەران یان لدەمێ ئاشتیێ و کریزان ، سەقامگیریێ ، گوھرینا پوستە بو پوستەکێ دی و ئەو قوناغا مروڤ وەکو مللەت تێدا دبوریت دیارە مەرەما مەلڤێرە ئەوە قوناغا داھاتی قوناغا گوھرینێن مەزنە ل کوردستانێ ھەم کابینا داھاتی دێ شێوازەکێ دی ھێتە پێک ئینان و دیسان سەروکاتیا ھەرێمێ ژی دێ کەسەکێ دی ئەڤێ دەستھەلاتێ وەرگریت و ئێک ژ خالێن ژھەموویان ئەرێنی تر ئەوە رادەستکرنا دەستھەلاتێ یە کو کلیلا دیمەکراسیەتێ یە ل جڤاکێن پێشکەفتی ل ھەرێما کوردستانێ .راستە ئەڤ چەندە دناڤ حزبەکا سیاسی بخوە دایە کو شیایە حزبا ئێکێ بیت بێ ھەڤرکەک بەلێ ئەزمونەکا نوی ژی ل دەڤەرێ بڤی شێوازی دەستھەلات بھێـتە رادەستکرن یان بەری نوکە کوشتن و کودتا ئامرازێن گوھرینێ بوینە یانژی ھندەک ھەلبژارتنێن شکلی بوینە . بومە کوردا ھەم پروسا سیاسی و دیموکراسی زوور گرنگە ژبو پاراستنا سومعەتا نیڤ دەولەتی ھەم ژی ئەف پوستە ب کەسەکی َبھێتە راسپاردن کو بشێت نوینەراتیا راستەقینەیا بەرژەوەندیێن ھەرێما کوردستانێ بکەت کو بشێت و ئەو ئەو کەسخودان سەربور و لێھاتن بیت د ھەموو بیاڤەکێ دا و ب دیتنامن یا تاکە کەسی وەک نڤیسەرەک من چ گومان نیە ژھندێ کو کاک نێچیرڤان بارزانی دێ روحەکا دی دەتە ئەڤی پوستی ژبو ھەرێما کوردستانێ ژی پێتڤیەکا دیروکیە چونکە دناڤبەرا دەم و جھی دا گوھرین دروست دبن و کاریگەریێن سیاسی ژی لسەر ھەرێمێ ھەنە لەورا بو دانا سەنگێ بو دەزگایەکێ شەرعی یێ بڤی قەوارەی و دەستھەلاتانڤە پێتڤی ب کەسەکێ خودان شیان ھەیە کو ئەندازیارێ ھەرێمێ لسەر دەستێ وی بھێتە دارێشتن . ل دوماھیک بو بەردەوامی دانا رولێ (سەروک بارزانی ) کو ھەموو کوردان شانازی ب رولی َجەنابی َوی کرینە پێتڤی ب کاریزما کاک نێچیرڤان بارزانی ھەیە کوھەمان رێک و میتودێن سیاسیێن جەنابێ سەروکی بپارێزیت و بەردەوام گەشێ تێدا دروست بکەت .