هه‌ستیاریا سه‌رۆكاتیا هه‌رێما كوردستانێ
بارین نهێلی
نوكه ئه‌و ئه‌ركه یێ كه‌تیه سه‌ر ملێن نێچیرڤان بارزانی كو ناسیاره ب زلامێ به‌رته‌نگاڤیان ب سیاسه‌تا ژیرانه یا حكیمانه و سه‌ركه‌فتی برێڤه دبه‌ت.
خۆیایه كوردستان ژی خودان هه‌ڤسوی و دۆست و دوژمنه، ئیران، توركیا، سووریا و عیراقه هه‌می پێكڤه دوژمنێ سه‌رسختێ دۆزا ره‌وایا ملله‌تێ كورده، سیاسه‌تكرن ل گه‌ل دوژمنان یا ب سانه‌هی نینه، لێ نێچیرڤان بارزانی ئه‌ڤ هه‌ر چار ده‌وله‌ته كرینه دۆست و هه‌ڤال بۆ ملله‌تێ كورد، ئه‌ڤجا رۆلێ وی یی دیاره د سیاسه‌تا رۆژهه‌لاتا ناڤین دا دكه‌ل ده‌وله‌تێن ده‌رڤه، ئه‌مریكا ئه‌ورۆپا...هتد.
ب تایبه‌تی پشتی روودانا ره‌ش 16 ئوكتۆبه‌رێ كو خیانه‌ته‌كا ره‌ش ب ناڤ چاڤێن خیانه‌تكارێن 16 و ئوكتۆبه‌رێ، ئابلۆقه‌كه‌كا مه‌زن كه‌فته سه‌ر هه‌رێمێ هه‌ر چار لایان ڤه، خوه پیلانا ژناڤبرنا كوردستانێ هاتبوو دارێشتن ل ب رێز نێچیرڤان شیا وێ ئابلۆقێ بشكێنیت و به‌ربه‌ستێن به‌ر سیاسه‌تا هه‌رێمێ نه‌هێلیت ده‌رگه‌هێن سنۆری هاتنه‌ڤه‌كرن، فرۆكخانه هاتنه ڤه‌كرن مووچه و شایستێ دارایی زڤراند، پاشكه‌فت نه‌هێلا ئه‌ڤه هه‌می ب هیمه‌تا سیاسه‌تا سه‌ركه‌فتی یا سه‌رۆكێ داهاتی نێچیرڤان بارزانی بوو.
پشتی په‌رله‌مان هاتیه كاراكرن و قانوونا سه‌رۆكاتیێ هاتیه هه‌مواركرن كاندیدێ پارتی و كوردستانێ نێچیرڤان بارزانی یه، دێ هه‌مان سیاسه‌ت ل حكومه‌تی به‌ته سه‌رۆكاتیێ ده‌رگه‌هێن گرتیێن مایی ڤه‌كه‌ت، هه‌ولا جێبه‌جێكرنا ماددی 140 یێ دستووری كێشه‌یێن ئابووری د گه‌ل به‌غدا چاره‌كه‌ت، ب تایبه‌تی نه‌فتێ و شایستێن دارایی، هه‌لبه‌ت خودان ڤێ سیاسه‌تا نه‌رم یا ته‌مامكرنا سیاسه‌تا سه‌رۆك مسعود بارزانی، جاره‌كا دی بنیاتنانا كوردستانه‌كا ب هێز هێته ئاڤاكرن.
رۆلئ نێَچیرڤان بارزانی یێ كاریكه‌ره ل سه‌ر ئاستێ نیڤده‌وله‌تی و رۆژهه‌لاتا ناڤه‌راست ل سه‌ر هه‌می ڤان كێشه و گرفتێن سیاسی و ئه‌قلیمی یێن ده‌ڤه‌رێ شه‌رێ ئابووری ئه‌مریكا ل گه‌ل جینێ سه‌ربازی ل گه‌ل ئیرانی كێشه‌یێن سیاسی ناڤخوه‌ی یێن هه‌رێمێ و به‌غدا، بێگومان سه‌خته هه‌ر چار لایه‌نێن ته دوچمن بن، ب سیاسه‌تا كارێزمایی بشێت رۆلێ ئاڤاكه‌ر بگریت، لێ ئه‌ڤ رۆله د پێشچاڤێن، سیاسه‌تا نێچیرڤان بارزانی ل سه‌ر هه‌می كاودانان كوردستانا ب هێز راگریت.
