كریارا راست و دروست ل هه‌ر تشته‌كی دا، هه‌ر دێ بسه‌ركه‌ڤیت ، ته‌نانه‌ت د سیاسه‌تێ دا ژی، هه‌رده‌م بسه‌ركه‌فتیه . واتا ئه‌گه‌ر ئه‌ز یێ دروست بم، ئه‌ز دێ هه‌موو راستیان ئیخمه به‌ر سینگێ ته و ل هه‌مبه‌ر هه‌می جیهانێ ، به‌لام ئه‌گه‌ر نه‌یێ راستبم هه‌ر دێ خۆ دوورئێخم و راستیا ڤه‌شێرم و شاشیێن خۆ شاراوم له نه‌ته‌وئێكگرتویه‌كان، وه‌كو به‌غدا كو ناخوازیت، چێ رێكخراوێن مرۆڤی و یێن گه‌وره بهێن و مایێ خوه تێدا بكه‌ت. ژ به‌ر ئاجینده‌یێن ده‌ولةت و لایه‌نێن دوه‌وربه‌ر تێدا ، مینا مایتێكرنێن وه‌لاتێ ئیرانی د ناڤا كاروبارێن عیراقێ دا و هه‌تكبه‌ریا وان بۆ به‌رژه‌وه‌ندیێن خوه یێن جۆرا و جۆر ، چو ماددی ، ئابووری و بازرگانی یان ئاینی و مه‌زهه‌بی و دیسا ڤه سیاسی ، چون ئه‌گه‌ر رێخراوه‌كان مینا نه‌ته‌وه‌ئێكگرتی ل عیراقێ بمینیت و وه‌كو لایه‌نه‌كێ ناڤبه‌یناتیێ بكه‌ت ببیته دادوه‌ر ، چاوا دێ شێن مافێن كوردان د دستوورێ عیراقێ دا پێشێل بكه‌ن و ب تایبه‌ت مادێ 140 یێ گرێدای زۆریا مافێن هه‌رێما كوردستانێ ، له‌ورا ب په‌له سه‌رۆك وه‌زیرێن حكوومه‌تا عیراقێ رێزدار نێچیرڤان بارزانی گه‌یشته په‌نایا دروست و ئه‌ڤ پێشنیازا خۆ یا ئه‌قلانه به‌ردا هۆلێ و هه‌موو حێبه‌تی كرن، ب پێشكێشكرنا وان هه‌ر پێنچ پێشنیازان بۆ دابینكرن و زامه‌نیكرنا چارنڤیسێ گه‌لێ مه ل هه‌رێما كوردستانێ ـ ژیانا خه‌لكێ هه‌رێما كوردستانێ گه‌ره‌نتی دبیت ، ب ئه‌ڤێ بۆچوونێ ، چونكو ئه‌م هه‌ر ده‌م ب رێكێن ئاشتیانه داخوازا مافێن خۆ دكه‌ین ، نه‌ك ب شه‌ر و شه‌ماته و ئاگری مینا سیاسه‌تا گه‌له‌ك وه‌لاتێن ده‌وربه‌ر، ئه‌ڤجا هه‌كه ئه‌ڤ شێوازه یێ نه‌رم و ئاشتیانه نه‌بیت یێ كاك نێچیرڤان بارزانی ئه‌ڤ سیاسه‌ته‌مه‌دارێن هۆڤ دێ هه‌مان زۆری و سته‌میێ ل مه به‌رده‌وام كه‌ن و یا پێشیێ هه‌میێ دوباره كه‌نه‌ڤه ، له‌ورا ژی دسهه‌لاته‌كا بهێز پێویسته بۆ سه‌ره‌ده‌ریكرن ل گه‌ل ئه‌ڤێن ئه‌جینه‌ده‌یێن وه‌لاتێن داگیركه‌ر و ته‌ماكار برێڤه‌دبه‌ن ، نێچیرڤان بارزانی و سه‌رۆك مسعود بارزانی مێژوویه‌كا دویر و درێژ یا هه‌ی دگه‌ل ڤان وه‌لاتان و سیاسه‌تێن وان ، له‌وا وان پێنگاڤێن ب زانابوون دهاڤێژن . ئه‌ڤه ژی پلانه‌كا وه‌هایه كو ره‌نگه دا تشته‌كێ خوازیار هێته رویدان به‌لێ نێچیرڤان بارزانی پلانا خۆ راگه‌هاند ژ پێش كه‌فتنا وێ زۆرداریێ كا دا یا چاوا بیت، ئێكسه‌ر جه‌نابێ وی نامه‌یێن خوه بۆ سكرتێرێ گشتی یێ نه‌ته‌ویه‌كگرتوویه‌كان ئاراسته كرن، و ل پێشیا وێ ژی ئه‌وه كو نێرده‌ی تایبه‌تی سكرتێری گشتی یۆئێن ل عیراق ببێته ناوبژیكار بۆ جێبه‌جێكرنا ماده‌ی 140 یی دستووری عیراق. ئه‌ڤجا ئه‌ڤه راگه‌هاندنه‌كا مه‌زنه كو هه‌می جیهان بزانیت خالا ناكۆكی یا نها ل گه‌ل حكومه‌تا عیراقێ ئه‌ڤ ماده‌یه و هه‌رده‌م هه‌می ده‌سهه‌لاتدار چاڤێ خۆ ل ڤی ماده دنقینن وه‌كو مالكی و حه‌یده‌ر ئه‌لعه‌بادی و یێن ل دیوڤدا ژی دوور نینه وه‌بكه‌ن چونكو یا مه یا بوویه سه‌ربۆر ل گه‌ل وان. هه‌ر دیسا د خالا دویێ دا پتر رۆلێ یۆئێنێ به‌رز و گرنگتر ژ هه‌ر ل وان بخۆ دده‌تێ كو ئاستێ نوێنه‌راتیا وان ل هه‌رێما كوردستانێ به‌رز ببیت. دا بزانن كو مه‌ره‌ما مه كوردان یا راسته و تنێ مافێ ژیانێ مه دڤێت و به‌س بیت زۆری و زۆرداری و سه‌رده‌ریا هه‌ڤوه‌لاتیبوون ژ پله‌یا دوویێ ل گه‌ل مه كوردان بهێته كرن. ئه‌ڤجا جه‌نابێ نێچیرڤان بارزانی كری په‌یامه‌كه بۆ هه‌می جیهانێ كو ژ بانگه‌وازیا مافی مرۆیی یه ل سه‌رانسه‌ری جیهانێ سه‌ره‌رای هه‌بوونا هێزا گه‌وه‌ر یا ئیرادا پێشمه‌رگه‌ی كو دشێت دیفاعێ ل گه‌ل و ئه‌ردێ خۆ بكه‌ت، به‌لام مه حه‌ز ل خوین ریشتنێ نینه و سیاسه‌تا چه‌كی و شه‌ری ناخوازیت. له‌ورا د پێشنیازا خۆ یا سیێ دا دخوازیت كه‌سێك بهێته به‌رپرسی كارو باری مرۆڤی كه نه‌ته‌وه‌ئێكگرتویه‌كان دیار ببیت. پیشنیازا دیتر بهانا وێ یا راست و دروست و لۆژیكه كو بنگه‌ی سه‌ره‌كی یێ به‌رنامه‌ی مرۆڤی هی یۆئێن بهێته ڤه‌گوهاستن ژ به‌غدا بۆ هه‌ولێر ، هه‌ر چ نه‌بیت ، ژ به‌ر هه‌بوونا سه‌قامگیریێ و سه‌رجه‌مێ ئاواره و په‌نابه‌ره‌كان . به پێچه‌وانی به‌غدا كه خواسته حزورا یۆئێن ل به‌غدا كێمبكرێته‌وه ل گۆر هنده‌ك ژێده‌رێن راگه‌هاندنێ. یا ژ هه‌میێ په‌سه‌ندتر بۆ گه‌لێ مه كو پێویسته گه‌لێ هه‌رێمی َو هه‌می كوردستانێ ژی بزانن بنیاتی ب هێزی هه‌بوونا وان مه‌زنترین ده‌سكه‌فتی یێ كوردان بده‌ستڤه‌ئینای ل مێژویێ دا فیدارلیزما هه‌رێما كوردستانێ یه ، كه په‌سه‌ند و جهگیر ببیت له ناڤ راپۆرته‌كانی نه‌ته‌وه‌یه‌كگرتویه‌كان دا ئاماژه بكرێن و دانی پێ دابده‌ت.
پەروین رەمەزان دوسكى
