درێژیا بزاڤا رزگاری خوازیا گەلێ کورد ژ بۆ ئازادیا سەرخۆبوونێ و دانانا بنیات ، شەنگستەیێ وەلاتی ژ هەمی ئالیەکێ ، ل پێناڤی بزاڤا رەوشەنبیری ، ئەدەبی ، کەلتور و چاندا کوردی. پێخەمەت پاراستنا کەلتور و زمانێ کوردی ، هیچ دەمەکێ سەرکردایەتیا کوردستانێ پاشڤەکێشی و ڤەقەتیان ژ کاروانێ خەبات ، بەرخودانا پێشڤەچوون و گورانکاری ، بزاڤا رەوشەنبیری ، کەلتوری و زمانی نەکریە، ژ بۆ ڤێ مەرەمێ ژی ب خوینا هزاران گەنج و لاو ، تێکوشەر ، سمبۆل و هێمایێن ئازادی ، ئاشتی ، رزگاری ، هەڤ چەپەرێن شەیدایێ زمان ، داب و نەریت ، ناسنامە ، هونەر ، کەلتورێ دەولەمەندێ کوردی گیانێ خۆە بەخت و پێشکێشی ڤێ دۆزا رەوا کرینە. ب سەرفەرازی و شانازی ڤە شیانە مێژوویەکا پری پرشنگدار و سەروەری تومار بکەن.نهۆ ژی ب گشتی سەرکردایەتی و حکومەتا هەرێما کوردستانێ ، تایبەتێ رۆلێ هەری گرنگ و زیندیێ سەرۆک وەزیران نێچیرڤان بارزانی، هەلبەت سەرەرای وان هەمی قۆناغێن سەخت و دژوار ، بارۆدوخێ نەجیگر و ئالوزێ هەرێمێ، بەلێ وەک هەمیشە بزاڤا رەوشەنبیری ، ئەدەب ، کەلتورێ زیندیێ کوردی و ناسنامەیا نەتەوا مە ژ ناڤچوونێ هاتی یە پاراستن ژلایێ حکومەتێ.هەڤدەم گرنگی یەکا مەزن ژلایێ سەرۆک وەزیران بۆ تەخا نڤێسکار ، رەوشەنبیر دۆست ، هەلگرێن پەیاما پێشکەفتن خوازا کەلتور و زمانێ کوردی هاتی یە دان ، زۆر ئەركێن بەرهەمێ
چاپەمەنیێ و بەلاڤکرنێ ب گرنگترین ئەرکێ بلندێ خۆ زانی یە ، تاکە سەرکردە بوویە زۆر خەون کرینە راستی و ئیناینە دهەبوونێ دا دگورەپانا دیرۆک و خەبات ، کەلتورێ جڤاکێ گەلێ کوردستانێ.باشترین نموونە بۆ دلسۆزی ، وەفاداری ، هەستێ بەرپرسیارەتیا نەتەوەی و نیشتمانی ، یێ سەرۆکێ حکومەتێ کو ل ڤێ داوی رێزگرتن ل نڤێسەر و رەوشەنبیر و مێژوونڤیسێ کەسایەتیێ کوردێ خۆراسانێ کەلیمووللا تەوەحدی ژ دەرئەنجامێ خزمەت و رۆلێ وی دبیاڤ نەتەوایەتی و دیرۆکا کوردان دا هاتی یە گرتن ، مەزنترین پالدەرێ پشتەڤانی یە بۆ کەسایەتی ، نڤێسکار ، رەوشەنبیر ، کەلتور ، رۆژنامەڤانێن کوردستانێ،هەڤدەم ئەو یەک ژی ئاشکەرا دبیت سەرۆک وەزیران هێمایێ پلاندانان ، نەخشەرێ یا پێشڤەچوونا جڤاک ، گەلێ کوردستانێ یە. ب راستی ژی ئەڤە ئومێدەکا مەزنە دناخ و جانێ هەر کوردەکێ دلسۆز دا. دیسان ژی ب خامە و پێنووسێ گەشێ ڤان جۆرە کەسایەتیان ل هەر جهەکێ کەلتور ، زمان ، نەتەوەیا کوردی هاتی یە پاراستن.لەورا سەرۆکێ حکومەتێ رێز ل بەرهەم و خەباتا ڤان جۆرە کەسەیاتیان گرتی یە. ژ بۆ درێژەپێدان ، گەشەساندن و پاراستنا کەلتور ، موزیکا کوردی ، پێشڤەبرنا دەولەمەندیا بیاڤێ رەوشەنبیری و وەشانێ ، گەنج و لاو مەزنترین هێزا مانەڤەیا زیندی بوونا گەل ، نەتەوەی نە ، رۆلێ هەری کارا بۆ وان ڤەدگەریت.
باشترین گوتنا بهادارا سەرۆک وەزیران بۆ گەنج و لاوان دەما گوتی(دڤێت گەنج و لاو مفایێ ژ روناک بیر و رەوشەنبیر ، مێژوونڤیس ، نڤێسکارێن مەزنێن گەلێ کورد وەربگرن ، بکەنە رێبەر و رێنیشاندەر بۆ نڤێسین ، ژێدەر ، زمانێ کوردی ، هوشیارێ ڤان دەستکەفت ، ناسنامەیا گەلێ مە بن و دەولەمەند تر بکەن چونکە زمان نیشتمانێ دوویێ مەیە).ئەڤ پەیاما جەنابێ سەرۆکێ حکومەتێ بۆ تەخا پێشکەفتن خوازا وەلاتی ، باشترین درۆشمێ پشتەڤانی و پالدەری یە بۆ گرنگیدان و پیتەدان ب ڤێ تەخێ. لەورا ب ڤێ چەندێ سەرۆک وەزیران سەردەم و قۆناغەکا نوی رەخساند ، چرا و ئایندەکێ گەش و باشتر بۆ خەلکێ کوردستانێ پەیداکر ، لاپەرێن زێرین و پر شانازی کەتنە د مێژوویا گەلێ کورد دا. هەژی ئاماژەپێدانێ یە د هەموو بیاڤ و قۆناغان دا ئاشکەرابوو ژ بۆ گەلێ کوردستانێ ، سەرۆک وەزیران نێچیرڤان بارزانی، رزگارکەر و قورتالکەرێ دەربازکرنا قەیران و ئالوزیانە ل ڤی وەلاتی.چارەسەرکار و خواستێ هەرێمەکا ئاڤەدان ، پێشکەفتی و ئێکگرتی یە بۆ خەلکێ هەرێما کوردستانێ.