وەكی ئەڤڕۆ ل ٢٢یێ نیسانا ساڵا ١٨٩٨ێ ل #قاهیرە یا پایتەختێ #مسرێ ب هەوڵ و ماندیبوونا #میر_میقداد _مەدحەت_بەدرخان و د وی بارودوخ و كاودانێ سەختێ كوردان دا، (٣١) هژمارێن رۆژناما #(كوردستان) ب هەر دوو زمانێن كوردی و عەرەبی دەرئێخستن و دوماهیك هژمار ژی ل ١٤ی نیسانا ١٩١٢ێ هاتە وەشاندن.
دەرئێخستنا رۆژناما #كوردستان ل وی سەردەمی بەرسڤ و پەیامەكا ب هێز و كاریگەر بوو، چونكە رولەكێ مەزن د هوشیاركرن و پێشڤەبرنا هزرا نەتەوەیی یا كوردی دا، و بەرچاڤكرن و ئاشكراكرنا هزر و ئامانجێن گەلێ كورد، كو خۆدی حەز و خواستەكێن رزگاریێ، ئازادیێ و ئێكسانیێ یە، گێڕا.
رۆژنامەیا #كوردستان خویاكر كو مللەتێ كورد وەكی هەموو مللەتێن دی یێن جیهانێ ب شیانە و مافێ بڕیاردانێ لسەر چارەنڤیسێ خۆ هەیە ژ لایەكی، و ژلایەكێ دیڤە، ژبەر رولێ كاریگەرێ رۆژنامەگەریێ لسەر ژیانا رەوشەنبیری، جڤاكی، رامیاری و ئابووری د هەموو جڤاكەكی دا، كو ب رێكا رۆژنامێ مرۆڤ سەرهەلی رەوشەنبیری یا مللەتێن دی دبیت، لەوا ژی راگەهاندن ب هەر سێ پێكهات و ستوینێن خۆ یێن نڤیسین و بیستن و دیتنێڤە ب گشتی، و رۆژنامە ژی ب تایبەتی، باشترین و گونجاوترین رێكە، بۆ ناسین و تێكەلیێ و دروستكرنا پرێن پەیوەندی یێن هزری و چاندی دگەل نەتەوە و شارستانیەتێن دی دا.
میر #میقداد #مەدحەت #بەدرخان، سەركێشێ رۆژنامەگەری یا كوردی، پێنڤیس و پەیڤ، وەكو چەكەكێ بهێزێ دەڕبڕین و هوشیاریێ و خەباتێ زانی یە، پێخەمەت رزگاری و ئازادی یا مللەتێ كورد.
هەر ب هەلكەفتا ٢٢یێ نیسانێ رۆژا دایكبوونا رۆژنامەگەری یا كوردی، گەرمترین و جوانترین پیرۆزباهیان ئارستەی تەڤایا رۆژنامەڤان و نڤیسەرێن كورد دكەین، ل دوماهیێ ژی رۆژا رۆژنامەگەری یا كوردی ل هەموو كوردان پیرۆز بیت و روحا میر #میقداد_مەدحەت_بەدرخان و هەموو شەهیدێن پێنڤیس و پەیڤێ و ئازادیێ ل كوردستانێ شاد بیت.
بژی كورد ب ئازادی .. بژیت كوردستان ب ئارامی.