رووداو و پێشهاتە چاوەروانكراوەكان دەخوازێ‌ بەرژوەندییە باڵاكانی كوردستان كە خۆی لە هەر چی زووتر پێكهێنانی سەرۆكایەتی هەرێم و حكومەتی كوردستان پێش هەر بەرژوەندییەكی تری حزبێك بكەوێ‌ .ئەوەی لەسەر گۆڕەپانی سیاسی روودەدات لەسەروبەندی پێكهاتنی كابینەی نۆیەم لە گفتوگۆودانوستانی نێوان هێزو پارت ولایەنە سیاسیەكان هەم ماف و هەمیش ئەركە بۆ ئەوەی هەرچی زووە بكەونە خۆ و قۆناغێكی تازەی بەڕێوەبردن پیادەبكەن. لە ماوەی پێنج ساڵی رابردوو، گەلی كورد و ئەزموونی حكومرانی هەرێمی كوردستان و كابینەی هەشتەمی هەرێمی كوردستان رووبەرووی چەندین كێشە یەك لەدوای یەك هاتەوە ،هاتنی لێشاوویی پەنابەران، شەرٍی تیرۆر ، قەیرانی دارایی ، گەمارۆدانی هەرێمی كوردستان و ئینجا هەوڵدان بۆ سرٍینەوەی قەوارەی دەستووری هەرێمی كوردستان ، بەدڵنییاییەوە ئەگەر سیاسەتی حەكیمانەی سەرۆك بارزانیی و سەرۆك وەزیرانی كوردستان نەبوایە ، دەربازبوون لەو هەموو پیلانگێری و قەیرانانە مەحاڵ بوو ، هەروەها لە پێناو پاراستنی هەرێمی كوردستان و گشت دەسكەوتەكانی زیاتر لە ‮ ‬1750‮ ‬شەهید و‮ ‬10‮ ‬هەزار بریندارمان هەیە‮. ‬لەگەڵ ئەوەشدا دۆزی‮ ‬كورد و بەرگری‮ ‬خەڵكی‮ ‬كوردستان و هێزی‮ ‬پێشمەرگە لە خاك و نیشتمان و لەو پرنسیپانه كە باوەری‮ ‬پێیەتی،‮ ‬كە دیموكراسییەت و مافی‮ ‬تاك و هەموو بەها بەرزەكانی‮ ‬مروڤایەتییە،‮ ‬هەروەها بوونی‮ ‬هەرێمی‮ ‬كوردستان لە هێڵی‮ ‬پێشەوەی‮ ‬بەرگریی‮ ‬لە مرۆڤایەتی،‮ ‬بوونە جێگەی‮ ‬رێز و تەقدیری‮ ‬كۆمەڵگەی‮ ‬نێودەوڵەتی‮. ‬ناوی‮ ‬پێشمەرگە بووە ناوێكی‮ ‬پیرۆز،‮ ‬بۆ ئێمە هەمیشە پیرۆز بووە،‮ ‬بەڵام جیهانیش بە ناوی‮ ‬پێشمەرگە ئاشنا بوو و هەروەها پایەی‮ ‬سیاسی‮ ‬و سەربازی‮ ‬خودی‮ ‬جەنابی‮ ‬سەرۆك بارزانیش،‮ ‬كە بێ وێنەیە لە جیهانی‮ ‬ئەمڕۆدا سەرۆكێك بچێت بە هەفتە و بە مانگ لە بەرەكانی‮ ‬جەنگ لەناو چادر و ئۆتۆمبێل بخەوێت و لەگەڵ پێشمەرگەكان بەرگری‮ ‬لە خاك و نیشتیمان و بەها مرۆییەكان بكات‮. ‬ئەوە هەمووی‮ ‬وایكرد سۆز و رێز و پشتگیری‮ ‬خەڵك و كۆمەڵگەی‮ ‬نێودەوڵەتی‮ ‬بۆ هەرێمی‮ ‬كوردستان و پێشمەرگە زیاتر ببێت‮. ‬سەرۆكی‮ ‬فەرەنسا لە ناخۆشترین ئانوساتدا لە مانگی‮ ‬ئەیلولی‮ ‬2014‮ ‬سەردانی‮ ‬هەرێمی‮ ‬كوردستانی‮ ‬كرد‮. ‬چەندین سەرۆك وەزیران و وەزیرانی‮ ‬دەرەوە و بەرگری‮ ‬و جێگرانی‮ ‬سەرۆك وەزیرانی‮ ‬وڵاتانی‮ ‬جیاجیا،‮ ‬ئەورووپا لە پلەی‮ ‬یەكەمدا و وڵاتانی‮ ‬دراوسێ سەردانی‮ ‬هەرێمی‮ ‬كوردستانیان كرد‮. ‬بەداخەوە لەو كاتەدا هەموو ئەو وڵاتانەی‮ ‬سەردانی‮ ‬هەرێمی‮ ‬كوردستانیان دەكرد،‮ ‬تەنها بەغدا سەردانی‮ ‬هەرێمی‮ ‬كوردستانی‮ ‬نەدەكرد،‮ ‬كە دوژمنێكی‮ ‬هاوبەشمان هەبوو و خەڵكێكی‮ ‬زۆریش لە بەشەكانی‮ ‬دیكەی‮ ‬عێراق كە ئاوارە بوون و لەو ناوچانە دەهاتن كە حكوومەتی‮ ‬فیدرالی‮ ‬نەیتوانی‮ ‬بیانپارێزێت،‮ ‬بە ناچاری‮ ‬روویان لە هەرێمی‮ ‬كوردستان كرد،‮ ‬كە حكوومەت وخەڵك دڵ ودەرگایانیان بۆ كردنەوە‮. ‬لە باوەش گرتن وحەوانەوەی‮ ‬ئەو ژمارە زۆرەی‮ ‬ئاوارەش بوو بە خاڵێكی‮ ‬گرنگ بۆ پاڵپشتیكردنی‮ ‬مەعنەوی‮ ‬و مرۆیی‮ ‬لە هەرێمی‮ ‬كوردستان‮. ‬هەروەها،‮ ‬كولتووری‮ ‬دێرینەی‮ ‬پێكەوەژیان لە نێوان پێكهاتە جیاجیاكان و رێزگرتن لە ئازادی‮ ‬دەربڕینی‮ ‬ئایینی‮ ‬لە كوردستان و پاراستنی‮ ‬پێكهاتە ئاینییەكان كە لە دەست هەڕەشەی‮ ‬داعش پەنایان هێنا بۆ هەرێم،‮ ‬جێگەی‮ ‬رێز بوو لە لایەن كۆمەڵگەی‮ ‬نێونەتەوەیی‮ ‬و ناوبانگێكی‮ ‬ئەرێنی‮ ‬بۆ هەرێم دروستكرد‮. ‬ئەو هەموو شتانە بە راستی‮ ‬جێگەی‮ ‬رێز و پێزانینی ‬هەموو ئەو شاندە بیانییانەن كە دێنە هەرێمی‮ ‬كوردستان،‮ ‬لە ڤاتیكانەوە بگرە تا دەگاتە پاریس و لەندەن،‮ ‬رۆما و ستۆكهۆلم،‮ ‬بەرلین و‮ ‬واشنتون و مۆسكۆ و شوێنەكانی‮ ‬دیكە بە وڵاتانی‮ ‬دەوروبەریشەوە‮. ‬ بەدڵنییاییەوە كابینەی نۆیەمی حكوومەتی‮ ‬داهاتوو تەواوكاری‮ ‬حكوومەتی‮ ‬ئێستا دەبێت،‮ ‬چونكە كاندیدی‮ ‬سەرۆكی‮ ‬ئەنجوومەنی‮ ‬وەزیران بۆ كابینەی‮ ‬داهاتوو رێزدار مەسروور بارزانییە،‮ ‬لە هەمان ئەو پارتەی‮ ‬سەرۆكی‮ ‬حكوومەتی‮ ‬ئێستایە كە لە كابینەی‮ ‬هەشتەم حوكمڕانی‮ ‬دەكات‮. ‬بۆیە سیاسەتی‮ ‬حكوومەت بەردەوامبوونە لەسەر هەوڵدان بۆ كەمكردنەوەی‮ ‬ئاسەواری‮ ‬ئەو قەیرانانەی‮ ‬كە هەبووە تا بژێوی‮ ‬خەڵك باشتر ببێت و خزمەتگوزارییەكان باشتر ببن و ئەو پرۆژانەی‮ ‬كە بە نیوەچڵی‮ ‬ماونەتەوە،‮ ‬هەوڵ بدرێت تەواو بكرێن بۆ خزمەتی‮ ‬خەڵكی‮ ‬كوردستان‮. ‬سەبارەت بە پەرەپێدانی‮ ‬سیاسەتی‮ ‬ئابووری،‮ ‬بەهێزكردنی‮ ‬بناغەی‮ ‬سیاسەتی‮ ‬بازاری‮ ‬كراوە و كەرتی‮ ‬تایبەت،‮ ‬بەشێكن لە بەرنامەی‮ ‬سیاسیی‮ ‬بانگەشەی‮ ‬هەڵبژاردنی‮ ‬پارتی‮ ‬و تەنانەت‮ ‬یەكیەتیش زۆر بە ئاشكرا باس لە بەرنامەكانی‮ ‬خۆیان كردووە‮. ‬ئەوە دەبێتە بنەمایەك بۆ پێكهێنانی‮ ‬كارنامەی‮ ‬حكوومەتی‮ ‬داهاتوو‮. ‬لەوانەیە بارودۆخی‮ ‬كابینەی‮ ‬داهاتوو لە كابینەی‮ ‬هەشت گونجاوتر و باشتر و ئارامتر بێت و ئەو قەیرانانەی‮ ‬كە كابینەی‮ ‬هەشتەم پێی‮ ‬تێپەڕی،‮ ‬كابینەی‮ ‬نۆیەم نەیبێت،‮ ‬بەڵام لە هەمان رێچكە دەبێت بۆ پەرەپێدانی‮ ‬ئابوورییەكی‮ ‬باشتر و خزمەتگوزاری لە گشت سێكتەرەكان و رەخساندنی‮ ‬هەڵی ‬كار و هەروەها راكێشانی‮ ‬سەرمایەگوزاری‮،بەرەو پێشڤەبردنی دۆزی كورد لە رووی سیاسی و دیپلۆماسی بەرەو كوردستانێكی بەهێز.پارتی دیموكراتی كوردستان، وەك براوەی یەكەمی لیست و لایەنە سیاسیەكان ئەو ئەركەی لەئەستۆیە بۆ بەجێگەیاندن و تەواوكردنی ئەو پرۆسەیە، بێگومان بەهەماهەنگی سەرجەم حزب و لایەنەكانی دیكەی سیاسی جا چ بەشدار یا نابەشدار لە حكومەت.پرۆسەی هەڵبژاردن و هاوپەیمانێتی و حكومڕانیی بەیەكەوە گرێدراون و هەر قۆناغەو خولێكیش رەهەند و پێوەری خۆی گەرەكە واتە گۆڕینی هاوكێشەكە لەرووی هاوپەیمانێتیەوە كارێكی زۆر ئاساییە لە ژیانی سیاسی حزبیدا، چونكە پێداویستی و دەرهاویشتەی خۆی هەیەوئەو پرۆسەیەی پێی دەڵێین دیموكراسی-هەڵبژاردن سەنگی مەحەكن بۆ ئایندەسازیی هەر حزب ولایەنێك تا رۆڵی خۆی ببینێ و بزانێ ئیدی لەو قۆناغەدا لە چ چوارگۆشە و كام خانە یا چینی هەرەمەكەدایە.پارتی دیموكراتی كوردستان خاوەن 45 كورسییە و و هێزی یەكەمی كوردستانە و هەموو كات پێشەنگ بووە لە قبوڵكردنی بەرپرسیاریەتی و هەروەها بە پێگەوسەنگ و رۆڵی خۆی بەوپەڕی بەرپرسیاریەتیەوە بەردەوامە لەو جموجووڵەو بەرنامەیەی بۆ بەئەنجام گەیاندنی پرۆسەكەو بەشداریكردنی كارای لایەنە سیاسیەكان لە حكومەتدا، بەڵام گقتگۆ بنەما و پێوەر و زەوینەسازیی خۆی هەیە، واتە لێكتێگەیشتن و هاوسەنگیی لە نێوان ماف و قەبارەی هەر حزبێك لە هەڵبژاردن و دەنگدان.بەرژەوەندی گشتی و ئەو هەلومەرجە هەستیارەی ئەمڕۆی هەرێمی كوردستان، یەكڕیزیی دەخوازێ‌، دەكرێ لەو رووەوە كارنامەیەكی هاوبەشی هەمەگشتگیر فۆرمەڵەبكرێ بۆ چارەسەركردنی كێشە هەنووكەییەكان و داڕشتنی بەرنامەوپلانی داهاتوو بۆ دەستكەوتی زیاتر ، بۆیە، پارتی دیموكراتی كوردستان لە ماوەی رابردوو دا پشتوو درێژی زۆری نواند و سەبری زۆری كرد و هەر هێزێك بە قەبارەی خۆی رەنگە زیاتریش مافەكانی پێبەخشرا ، بۆیە ، ئیتر هیچ پاساوێك نەماوەتەوە بۆ كاراكردنەوەی سەرۆكایەتی هەرێم و دەستبەكاربوونی حكومەتی نوێی كوردستان ، ئیتر كاتی ئەوە هاتووە، خزمەتگوزاری و بەرژوەندییە باڵاكانی گەلی كورد پێش هەموو بەرژوەندییەكی تر بكەوێ‌ بەرەو كوردستانێكی بەهێز ..