ئەرکێ سەرەکیێ ھەر حکومەتەکێ خۆراگری و ھەبوونا پلانێن درێژخایەنە بەرامبەر قەیران و پیلانان و پاراستنا پێکڤە ژیانا ئۆل و ئەتن و پێکھاتێن جڤاکی و ڤەژاندنا ئابووری . لێ ھەمی سەرکردە و سەرۆکێن حکومەتا ئەو شیان و سالوخەت نینە بڤان ھەمی ئەرکان رادبن ، لەوما بەرامبەر پیلان و قەرانانا خۆ راناگرن و حکومەتێن وان دھێنە ھەلوەشاندن و قەیرانێن سیاسی و جڤاکی یێن درێژ خایەن پاش خۆ دھێلن .
خۆشبەختانە حکومەتا ھەرێما کوردستانێ خۆدان سەرۆک و سەرکردەکێ ھەلگرێ ڤان ھەمی ساخلەت و زێدەتری ژی یە ئەوژی نێچیرڤان بارزانی یە .
خۆراگری و زاڵبوونا حکومەتا ھەرێمێ ب سەرۆکاتیا نێچیرڤالن بارزانی بسەر وان ھەمی پیلانێن سیاسی و قەیرانێن ئابووری یێن حکومەتا عیراقێ و پاشان پشتەڤانی ھەرێمی و تا راددەیەکی ناڤخۆیی ژی وەرگرتی دژی ھەرێمێ نەخاسمە پشتی سالا ٢٠١٤ و پاشان روودان و کارڤەدانێن خیانەتا شازدێ ئکتۆبەرێ . براستی ئەڤ سەرکەفتنێن ھەرە مەزن و خۆراگریا حکومەتا ھەرێمێ موعجیزەکا ھەری مەزن بوو ب سیاسەت و دووربینیا نێچیرڤان بارزانی ،
ئەگەر سەرۆکێ حکومەتا ھەرێمێ ئەڤ پلان و بەرنامێ سیاسی و دبلۆماسی و کەسایەتیەکێ کاریزما نەبا ، مەزنترین کارەساتا جڤاکی و ئێمناھی و ئابووری دا بسەر ھەرێما کوردستانێ ھێت ، چونکی پیلانەکا مەزنا ناڤخۆیی و ھەرێمێ و نیڤ نیڤ دەولەتی ژی بوو ژبووی کۆ ھەرێما کوردستانێ ببیتە سووریەکا دیتر و ناڤبرنا قەوارێ ئیداری و سیاسی یێ ھەرێما کوردستانێ .
ژلایێ سیاسی ، دبلۆماسیەتا نێچیرڤان بارزانی شیا پشتەڤانیا ھندەک وەلاتێن دلھێز و نیڤ دەولەتی بۆ ھەرێمێ دابین بکەت و پاشان زمانێ چەکی ل حکومەتا عیراقێ ب گۆریت بۆ زمانێ دیالۆگ و دانۆستاندنا و زڤراندن بۆ دەستوورێ ھەردەمیێ عیراقێ بۆ ھەمی پرسێن دناڤەرا ھەردوو ئالیان دا .
ئەڤ سەرکەفتنا سیاسی و دبلۆماسیا جەنابێ وی دگەل حکومەتا عیراقێ ، رێخۆشکەر بوو ، بۆ چارەسەرکرنا وێ قەیرانا گران و رێکخستیا ئابووری و دارایی لسەر ھەرێمێ ل ٨ ێ ئادارا ٢٠١٩ . سەرکەفتنا سیاسەتا ئابووری و دارایی یا حکومەتا ھەرێما کوردستانێ رێخوشکەر بوو بۆ ڤەژاندنا ئابوورێ ھەرێما کوردستانێ چ ژلایێ نەھێلانا پاشکەفتێ مۆچێ فەرمانبەرا چ ژلایێ خەرجکرنا پارێ بەڵندەرا ،
بریارا سەرۆکێ حکومەتا ھەرێما کوردستانێ بۆ خەرجکرنا قەرێن بەڵندەرا دڤان کاودانان دا ب بریارەکا نەتەوی و نشتیمانی و جڤاکی و ڤەژاندنا ئابوورێ وەلاتی و وەڵاتیان دھێتە ھژمارکرن . چونکی ب خەرجکرنا ڤی پارەی ھەوێن ئاڤەدانیێ و بەرھەمئینانێ دێ دەسپێکەنە و بزاڤا بازرگانی ژی دێ زێدەتر بن ، ژلایێ جڤاکی ژی زۆر ئاریشە دێ چارەسەربن .
ژلایێ پەرەپێدان ب پێکڤە ژیانا ئایینی و ئەتنی ژی بن سیبەرا سیاسەتا سەرۆکێ حکومەتا ھەرێما کوردستانێ ب دیدەڤانیا سازیێن نیڤ نەتەوی ، ھەرێما کوردستانێ سەنتەرەکێ بھێزێ پێکڤە ژیانێ یە ل دەڤەرێ و گرنگریەکا زۆر ب پەرستگەھێن ئایینێن جەودا دھێتەکرن ، ڤەکرنا دێرەکا ئەرمەنیا ژلایێ نێچیرڤان بارزانی کۆ ژلایێ حکومەتا ھەرێما کوردستانێ ب کۆژمێ دوو ملیار دیناران ھاتیە ئاڤاکرن . بەڵگەھەکێ دیترێ گرنگیدانا حکومەتا ھەرێما کوردستانێ یە ب ھەمی تەخ و چین و پێکھاتێَن جڤاکێ کوردستانێ ب ھەمی ئایین ڤە . ئەڤ سیاسەتا سەرۆکێ حکومەتا ھەرێما کوردستانێ یا گۆنگیدانێ ب پێکڤە ژیانا ئایینی ، پشتەڤانیا وەلات و سازی و رێکخراوێن نیڤ دەولەتی بۆ پرسیا سیاسیا ھەرێما کوردستانێ رادکێشیت .
برەنگەکێ گشتی لسەر دەستێ نێچیرڤان بارزانی حکومەتا ھەرێما کوردستانێ ، حکومەتەکا خۆراگر بوویە و پێکڤە ژیان دابین کریە و ئابوورێ ھەرێمێ ڤەژاندی یە .