پێکئینانا کابینا نوی یا حکومەتێ

پێکئینانا کابینا نوی یا حکومەتێ
دووبارە ھێزا دیبلوماسیەتێ، نێچیرڤان بارزانی سەروک وەزیرانی ھەرێمی کوردستان، وەلێ کر جارەکا دی لسەر نەخوشیا زال بیت، و تەوارا خەلکێ ھەژار و دەردمەند بھێت، چونکی ژبەر نەپێکئینانا حکومەتێ کار و کەسابەتێن خەلکی ئالوز ببون و ل بازارێ کرین و فروتنا کەل و پەل و ئەرد و ھەر تشتەک کو گرێدایی ب ئابوری ڤە بو، د نالین. ستراتیجیەتێ پارتی دیموکراتی کوردستان ل پێناو بەرژەوەندیێن گەل و نێشتیمان بویە . ئەگەر ھویربینانە بەرێ خو بکەینە سلێمانیێ دبینین حزبا ئێکەتیێ و گوران و حزبێن دی، بتنێ بو بەرژەوەندیێن حزبێن خو کار دکەن و ھند گرنگیێ ب ھاڤوولاتیێن خو نادەن.
چ تشتەکێ روون و ئاشکرا نابینین کو حزبا ئێکەتیێ شیا بیت کارەکێ باش بو سلێمانیێ ئەنجام دا بیت، سەرەرای ڤێ چەندێ ژی دڤیا گەلەک ئاستەنگا بێخیتە سەر پێکئینانا کابینەی نەھێ یا حکومەتێ، و ئەو ماوەیە ماوەیەکێ زور بو و درێژە ڤەکێشا، بو گەھێشتن ب ئارمانج ئەگەر حەفت کاتژمێر ڤەکێشیت، لێ پلانێن دیار کری ھەبن و ئارمانجەکا روون و ئاشکرا ھەبیت، گەلەک باشترە کو حەفت روژان ڤەکێشیت و نەزانی تە چ دڤێت و ئارمانجا تە نەیا دیار بیت.
ڤێتن دلسوزی و ئارەزوویێن مروڤی بەرامبەر خەلک راستگویانە بن، و بو گەشەکرن و پێشکەفتنا وەلاتی و جڤاکی لەز بکەین و ھوسا ئەڤە ئارمانجە دبیتە رێکەک بو سەرکەفتنێ.
مێژوویی سیاسەتا کوردستانێ گەلەک رەنگان بخوڤە دگریت، ب تایبەت بریارێن سیاسی و ھێز و ئابوری و دیبلوماسیەت، کو بەھرا پتر سەروکێ حکومەتێ لسەر وان ئاستانە کار یێ کری.
ل ڤێ قوناغا ھەستیار دا، ئێکریزی و ھەماھەنگی دناڤبەرا حزبەکان، ب تایبەت پارتی و ئێکەتی زور گرنگە. سیاسەتی خو گونجاندن دگەل ئەو رویدانانە و ئەو گوھورینانە بریتیە ژ ھونەرێ پاراستنا بەرژەوەندیان و یا ھەمیا فەرتر بەرژەوەندیا ھاڤوەلاتیانە.
دانوستاندن و لێک تێگەھشتن بتنێ رێکا چارەسەریا کێشەکانە، دناڤبەرا احزابێن سیاسی.
ھەردەم رێکخستنا ناڤ مالی کوردی، خەما پارتی دیموکراتی کوردستان بویە، و ھەردەم بو رازی کرنا ھەموو لایەک تێکوشیە، بو پێئینانا کابینەی نەھێ.
ل کابینەی پێشتر دا، بەرنامە و سیاسەتا ئابوری، ڤەکر کو تورکیا زمانی ھەرەشێ بگوھوریت بو بەرژەوەندیا ھاڤبەش و ئیران دەست ژ دەستێوەردان و توپبارانکرنێ ڤەبو و کومپانیا و بیزنسکار روو ب ھەرێمێ بکەن و ب سەدان عەرەب ژی ل ناوچێن ناڤەراست و خوارەوە ھاتنە ناوچێن گەشتیارێن کوردستانێ . پێشکەڤتنێن ئابوری بونە سەبەبێ گەشە کرنا دیموکراسیەتێ و زورتر ژێ ١٥ وەلاتێن جیھانێ کونسولخانە و نوسینگەھێن وان ل پایتختێ ھاتینە ڤەکرن. کومپانیێن تورکی نیڤەکا زورتر ژێ کومپانیێن کو ل ھەولێر دا ھەنە دگریتەوە . دەزگەھێ بازرگانیێن ئیرانێ پێشبینی یا ڤێ چەندێ دکەن کو بازرگانیا وان ل پێنج ملیارد دولار ببیتە حەفت میلیارد دولار.

. .
Top