دیسان دوو کلاسیکۆ؟
March 2, 2019
وتار و بیروڕا
![دیسان دوو کلاسیکۆ؟](https://gulanmedia.com/public/old_images/nusaran/soora.jpg )
وەڵامی ئەو پرسیارە دەمانگێڕێتەوە بۆ دوو کلاسیکۆکەی رابردووی نێوانیان، دیارە لە کلاسیکۆی یەکەمدا پارتی وەک یانەی سەربەخۆخوازان بە ٩٣ گۆڵ بەرامبەر ٧ گۆڵ لە یانەی عێراقی داگیرکار و کوردە عێراقچیەکانی بردەوە، واتا %٩٣ بەرامبەر %٧ دەنگی خەڵکی کوردستان، بەرشەلۆنەش وەک یانەی سەربەخۆخوازانی کەتۆلۆنیا بە ئەنجامێکی گەورە لە یانەی ئیسپانیای داگیرکاری بردەوە.
چەند رۆژێکە یانەی عێراقچیەکان لە یاریگای بەغدای عرووبە و بە سەرپەرشتی راهێنەری عەربی ئامادەکاری بۆ یاری کلاسیکۆی سبەی دەکەن, یانەی سەربەخۆخۆزان و ریفرادۆمچیەکانیش لە یاریگای کوردایەتی و بە سەرپەرشتی راهێنەری کوردی سەربەخۆخواز راهێنانی خۆیان تەواو کردووە, یانەی بەرشەلۆنە و ریاڵ مەدریدیش راهێنان و ئامادەکاری خۆیان بۆ کلاسیکۆکەی نێوانیان کردووە، با چاوەڕوان بین و بزانین لەو دوو کلاسیکۆیە کامیان براوە دەبێ؟