یا خوەیایە کو کێشامەیا ھەرێما کوردستانێ زوورا ھەستیارە ول گورەی یاسای و رێسایێن نیف دەولەتی ژی نابیت دناف ئاخا ھەرێما کوردستانێ دا نەخشەو پیلان بھێنەدارێشتن ژبوی تێکدانا رەوشا ئەمنی یا دەولەتێن دەوروبەر .ئەڤجا پشتی توبارانێن ڤێ داویێ یێن سوپایێ تورکیا بو سەر بنگەە و جھێن پەکەکێ ل ناڤچەداریا شێلادزێ سەر ب قەزا ئامێدیێ ڤە رویداین و بوینە ئەگەرێ شەھیدبون و برینداربونا چەند کەسێن سڤیل یێن دەڤەرێ , ڤێ چەندێ بوچون ودیتنێن جودا ل دوڤ خوەھێلان کو جودا ژ جارێن دەربازبوی چونکە نە نوکەیە ئەف توببارانە ل وان دەڤەران رویددەن بەلکو چەندین سالە پەکەکێ جە و وارێن دەڤەرێن باشوور بخوە بکارئیناینە ژبوی مەشق و راھێنانێن خوە کو ل دژی سوپایێ تورکیا بکاردئینن ئەڤەژی پشتی سالا ١٩٧٨ێ کو پەکەکە وەک حزبەک ل تورکیا ھاتیە دامەزراندن و گەلەک بنگەە و بارەگەھێن خوە ل ھەرێما کوردستانێ کوھەڤسنوربویە دگەل تورکیا بکارئیناینە بو چالاکیێن خوە و لدیڤدا ل سالێن ٩٠ نوتاندا تورکیا ب رێکێن سەردەمیانەتر توب بارانا جھێن پەکەکێ کر مینا بکارئینا فروکەیێن بێ فروکڤان و تەکنولوجیا پێش وەخت , لێ دیسان کو ئەڤرو کوردستانا باشوور دھێتە بکارئینان دناڤبەرا ھەردوو لایان تورکیا و پەکەکە . پێتڤی یە لایەنێن دەستھەلاتدارَن ھەرێمێ بھەموو شێوازان ھەولا نەھێلانا پەکەکێ ل دەڤەرێن مەبدەن و دیسان تورکیا ژی پتر رێزێ ل سەروەریا کوردستانێ بگریت واتا فشارەکا مەزنتر و بھێزتر لسەر ھەردوو لایەنان بھێتەکرن و کو ئێدی خەلک و جە و وارێن مە نەبنە ئارمانجێن شەرێ وان. لی َبمخابنی ڤە جار جار خەلکێ مەیێ سڤیل دبیتە قوربانی .ئەڤجا ئەڤە پرسەکا دەولی یە و ب حکومەتامەبتنێ ناھێتە چارەکرن پێتڤی یە پەرلەمانێ عیراقێ ژی یاداشتنامەو ب جددیانە کارژبوی چارەکرنا ڤی بابەتی بکەت بو ھندێ ھێزێن پەکەکێ ل باشوور بکەنەدەر بوھندێ ئەمن و ئاسایشا ھەرێما کوردستانێ تێک نەچیت ھەم ژ رویێ سیاسی و سەربازی وئیداری و بازرگانی ھەم نافخوەیی و ھەمژی دەرەکی .چونکە ھەرێما کوردستانێ پەیوەندیەکا بھێز یا بازرگانی دگەل وەلاتێ تورکیا ھەیە ئەفجا ژبەر ململانێ یا دناڤبەرا تورکیاو پەکەکێ نابیت ھەرێما کوردستانێ ببیتە قوربانیا شەرێ وان .ھندی کو پەکەکە د بنیات دا ئەڤە نەجھێ وانە کو ئەڤرو جھێ خوە ل پرانیا قولاچان ل باشوور کریە و دگەل وێ یەکێ ژی ھەلددەن خەلکێ مەژی بو مەرەمێن خوە بکاربینن و ل دوڤدا کارتیکرن و نەئارامیێ بێخنە دناڤ خەلک و دەڤەرێن مەدا ژبەر ڤی َچەندێ ژی ئەگەر ژپێنگاڤێن جددی یێن حکومەتا ھەرێما کوردستانێ نەبا بێی شک ئەو بارودوخێ ل ڤان روژان دروست بوی دا پەکەکە وەک مەزنترین دەلیڤە بین کو بخوە مفا لی َوەرگرتبا و دوژمنکاریا چاڤێ تورکیا دا تارادەکی لسەر خوە لادەنە سەر ھاولاتی و ھەرێما کوردستانێ . لێ ھشیاریا حکومەتا ھەرێما کوردستانێ ل ھەرپێنگاڤەکا ل ناف ھەرێمێ رویددەت ئەڤرو وەکریە کو ب ساناھی رێک لبەر پیلانێن کەسێ نەھێتە ڤەکرن ژبوی تێکدانا رەوشا ئەمن و ئاسایشا ھەرێما کوردستانێ ھەروەک سەروک وەزیر جەنابێ، نێچیرڤان بارزانی ، ئاماژە ب وێ چەندێ دای کو گەلەک سالێن دژوار دەربازکرنە و رولێ حکومەتێ خزمەتکرن و راکرنا بارگرانیێ یە لسەر خەلکێ و رێک نەدانا وان کەس و لایەنانە یێن دڤێن تێکدانێ بێخنە د ئەمنا ھەرێمێ دا ب ھەر شێوەکێ بیت. لێ مخابن دیسان ھەولێن ھندێ ھاتینە دان کوھندەک کەس و لایەن بخوە ب دەرفەت ببینن کو کەس و کارێن قوربانیان بو مەرەمێن خوە بکاربین .ئەگەر نە خوچارەسەریا بابەتەکێ ب دریژیا چەندین سالانە ب سوتنا جھەکێ یان ترومبیلەکا سەربازی چارەنابیت , بەلکو بارودوخ خرابتر لێدھێت و رێک لبەر دوژمنێن مەژی پتر ڤەدبیت کو پتر بەرێ پێخوە بەرفرەھتر لێبکەن ل کوردستانێ ئەڤەژی تشتەکێ مەحالە دووبارە روبدەت پشتی کو ب چەندین پیلان و دوژمنکاریا خەلکێ مە قوربانی دایی , ئەڤجا گرنگە ھشیاری ل شوینا تێدانان بھێتە بەلافکرن ھەتاکو لسەر ئاستێن بلند چارەیا ڤێ باەتی بھێتەکرن و زیێدەتر پەکەکە بەرفرەھیێ ب بنکە و بارەگەە و چالاکیێن خوە ل ھەرێما کورستانێ نەدەن .