چ پلان نابنە رێگر د بزاڤێن و سەرکەفتنێن حکومەتا ھەرێما کوردستانێ دا
رێژین نھێلی
دڤی چوار چوڤەی ژی دا ، لدەمەکێ وەکە نوکە ھەستیار و چونا رێزدار؛ نێچیرڤان بارزانی ؛سەروک وەزیرێن ھەرێما کوردستانێ بو وەلاتی َفەرەنسا ، وەکە شوکەکێ بویە بو حکومەتا بەغدا و وەلاتێن جیران ژی ، چونکە ب وان کارڤەدانێن وان یێن ڤێ داویێ لسەر ھەرێمێ و رێگرێن ئا سمانی و برینا موچەو بودجە و ... وان وەسان ھزرکریە کو ئێدی وەلاتێن ئەوروپی و زلھێز دێ پشت دەنە ھەرێما کوردستانێ ، وان ژبیرکریە کو ھەرێما کوردستانێ خودان مەزنترین قوربانی و دەست کەفت و سەروەری یە و ھیچ جارەکێ ژی بو پرسەکا گرێدایی چارەنڤیسی َکوردستانێ بێ دەنگ نابن ، چ ژ رویێ سیاسی بیت یان ئاڤەدانی ...ژبەر ڤی َچەندێ ژی ئەڤ چونا جەنابی َ،نێچیرڤان بارزانی ل رێکەفتی ٣/١٢/٢٠١٧ بو فەرەنسا گرنگی و کارڤەدانەکا زوور لسەر ئاستێ ناڤخوەیی و دەرەکی ھەبویە. نەخا سمە د وان گوتنێن، ھەردوو لایەنان (سەروک وەزیرێن ھەرێما کوردستانێ و سەروکێ فەرەنسا )د پرێس کونفرانسێ ھەڤپشکێ فەرەنسادا دەما , ماکرونی , گوتی : ؛فەرەنسا گرنگیێ ب ھەرێما کوردستانی َددەت و کوردستانەکا بھێز و ئێک دەنگ دخوازیت؛ و پێتڤی یە مافێن کوردستانێ د دەستووری دا بھێنە بجھئینان و تەکەز کر ؛پێتڤی یە ماددەیا ١٤٠ بھێتە بجھئینان و نابیت چ میلیشیایێن حەشدا شەعبی ل عیراقێ بمینن و پشتەڤانیا دیالوگا ھەولێرو بەغدا و عیراقەکا ئێکگرتی دکەین ، دیسان ، ئیمانوێل ماکرونی پشتەڤانیا فەرەنسا بو ھەرێماکوردستانێ دیارکرەڤە کو دچوارچوڤەیێ دەستووری دابھێنە بجھئینان و بو ڤێ چەندێ فەرەنسا دێ ھەموو بزاڤەکێ بو دەستپێکا دیالوگا نیشتیمانی کەت.
ژلایێ دی یێ کونفرانسی؛ سەروک وەزیرێن ھەرێما کوردستانێ ، دھەمان دەم دا سوپاسیا ھەلویستی َدیروکیی َفەرەنسا بو ھەرێما کوردستانێ د شەرێ وێ یی َدژی داعشی َدا کر و سەروکێ فەرەنسا ژی ھایدار کر ل وێ چەندێ ، کو ھەرێما کوردستانێ چ گرفت دگەل دەستھەلاتا فیدرال دا نینن و ھەردەمەکێ بەرھەڤە بو دەسپێکرنا دیالوگێ .(نێچیرڤان بارزانی)بناڤێ گەلێ کوردستانێسوپاسیا بزاڤ و پابەندیا فەرەنسا بو چارەکرنا گرفتێن ھەولێرو بەغدایێ کر و رولێفەرەنسا بو گەھشتن ب چارەیەکا گونجایی ب گرنگ دا زانین .
