دەما تەماشەی گوتنێن نێچیرڤان بارزانی سەرۆکێ حکومەتا هەرێما کوردستانێ دکەین وەکی هەرجار داخازا دانوستان و دیالوکێ دکەت دناڤخۆ یا کوردسیانێدە دناڤبەرا پارتیێن سەرانسەری یێن کوردستانی، دگەل ئیراقی هەروەها دگەل وڵاتێن جیرانژی.
ئەم دشێن بێژین بهێزترین چەک تا نوکە ئەوە ئێ ددەستێ بارزانیدا کۆ هیچ بەهانەیەک بۆ هیچ لایەن و کەسەکی نەهێلایە، دەما ئەم تەماشەی ناڤخۆ یا کوردستانێ دکەین دبینین هەردەم دەستپءشخەریکرینە بۆ دانوستانا دگەک لایەنێن هەموو حزبان داکو پشتەڤانینا پرۆسەسا سیاس یا هەرێمێ و حکومەتا کوردستانێ بکەن، دەما تەماشەی ناڤخۆیا ئیراقێ دکەین هەردەم و چەندین جاران بۆ مەرەما چارەسەکرنا کێشەیان سەردانا بەغدا کریە و دگەل بەرپرسێن حکومەتا فیدارلی کۆمبویە، ئەڤە ددەمەکێدایە شیایە پەیوەندیەکا بهیز و کارێگەر دگەل هەر ئێک ژ تورکیا و ئیرانێژی دروستبکەت و وەک دوو جیرانێن باش سەرەدریێی دەگەلدا بکەت.
پشتی ئەنجامدانا دیفراندوومێ و ئەو بۆیەرێن بسەر کوردستانێدا هاتین و بەغدا بە هەموو شیوەیەکی سەربازی و سیاسی و دیپلوماسی و ئابووری دەست ب سزادانا کوردستانێکر، لێ سەرباری هەموو وان بابەتان بارزانی هەردەم داخازا دیالوکێ کریە، دەما داخا دیالوکێ دکەت مانا وێ نە ئەوە کو د بنگەهەک لاوازدایە بەڵکو بەرڤاژی ئەو دبنگەهەکێ بهێزدایە و لێ باوەریا وی ب چارەسەکرنا پرساندا ب رێکا ئاشتی و دیالوکێ پترە ژ شەر و نا ئارامیێ هەر ژبەر هندێ د گوتنێن خوەدا دبێژیت ئەگەر بەغدا دخازیت ئارامی بەرقەرار بیت دێ بەرەف دانوستانان هێت ئەگەر دخازیت ئەڤ بابەتێن توندوتیژی بەردەوامبن دە خوە ژ دانوستانان ڤەکێشیت، سەرباری کو ئەڤە رەخبەتا سەرۆک وەزیرانە بۆ ئارامیا کوردستان و ئیراقێ د هەماندەمدا هوشداریەژی کو دڤێت ئیراق بەرپرسیارە ئەگەر توندی بەردەوام بن.
سەبارەت داخازا حکومەتا هەرێمێ بۆ جێبەجێکرنا دەستوور، هەردەم حکومەتا هەرێمێ بوویە گازندە ژ پێشێلکرنا دەستووری کرینە کۆ هەرگاڤ ئیراقی برگە برگەیێن دەستووری بنپێ دکەت و مافێن هەرێما کوردستانێ دخۆت، ئەگەر دەستوور هاتبا جێبەجێکردن دبیت کو کوردانژی ریفراندووم نەکربا لێ بنپێکرنا دەستووری چ رێکێن دی بۆ کورستانیان بەهێلان، چونکی سەرباری برینا بۆدجە و موچەیێن کوردستانێ ژلایێ بەغداڤە ب مەرەما برسیکرنا خەلکێ کوردستانێ داکو لدژی حکومەتا هەرێمی رابنن، رێگری کریە مادێ ١٤٠ یێ دەستوری بۆ ماوەی ١٠ ساڵان نەهێتە جێبەجێکرن و ریگری کریە پیشمەرگە کۆ د دەستووریدا وەک بەشەکە ژ سوپایێ ئیراقا فیدرال موچە و چەکان وەربگریت. سەرباری هەمێی هەردەم نیاز هەبوویە هێرشا سەربازی بکەتە سەر هەرێمێ و چاڤەرێبوویە تا ژ روویێ سەربازی و جەکانڤە خوە پرجەکبکەت و مە دەیت کا چاوا هێرشکرە سەر کوردان.