کاودانەکا بسەر کوردستانێ دا ھاتی. ڕەشبینیێ خۆ ھاڤێتیە د دل و دەروونێ ھندەکا دا. بەلێ پا فەلسەفە، زانست، ئایین، سروشت و ژیان دژی وێ نە و ب گۆنەە و تاوانەک مەزن لخۆ و خەلکێ دبینن.
ئەڤە نە خۆشباوەرییە، و نە ساویلکەییە، بەلێ پا ئەڤ ڕەشبینی یە نە د جھێ خۆدایە و نە ھندە،خەلک مەزن دکت.
ئەڤ چەند ش بلی ڕامانا دان نەنانە ب شیانێن خۆ و نەتەوێ خۆ، و باوەری بخۆ نەبوونە، و حاشالێکرنە ل خۆدێ خۆ و زێدەتر ش وێ ژی خۆدایێ خۆیە.
ھەر ئەڤرازییەکی نشیڤەکێ ھەی. ھەر شەڤەک تاری ڕۆژەک ڕۆھن و زەلال پشتی خۆ تینت. یەزدانێ مەزن نەگۆتیە:"... بعد ..."، بەلکۆ " ان مع العسر یسری". ئانکۆ دگەل و دویڤدا و پێکڤەنە.
ژبلی ھندێ دەربازبوونا دەمی باشترین چارەسەرە، کەسێن زانا و زیرەک خۆ نادۆڕینن، بەلکۆ ژ ڤێ نەخۆشیێ ژی تام و چێژێ و وانەی وەردگرن، دکەنە شەربەت و ڤەدخۆن. ئەڤە نە خۆشباوەرییە، بەلکۆ خۆشبینی و گەشبینییە.
ژبلی تاقیکرنا ھەمی نەخۆشیان ل جیھانێ، بلا خەلک بزانت یێ ھەی لڤێ جیھانێ خۆ بێھنەکێ ژی چاڤ ژ مە ڤە نابن، ئەم نابینین، و ھەکەر ئەم کەتین دێ بەزن و دەستێ مە گرن، و مە ژ عەردی ڕاکن. نەبێژن پا کا ئەو. دەمێ وان دڤێتن دگەل ئەوا مە دڤێت وەکی ئێک نینە، ڤێجا ھەکەر ژ ڤی کاری مەمنوون یا ژی بەرژەوەندییەک تێدا بیت.
ڕەشبین نەبن، چونکی ڕەشبینی مرنە. گەشبینی ژیانە، و ژیان بەردەوامە و چ سنوور و ترسان نانیاسیتن.
ڕەشبینی د ھەر تشت و کار و دەمەکی، ژبلی تێکدانا مالا خەلکێ، بۆ خۆدێ مرۆڤی مەزنترین کۆژەکە. گەشبینی دروستترین، باشترین، بسانەھیترین، ب تام و چێژترین، خێرترین و بەردەستترین ڕێکە ھەکەر تو بزانی.
ھەکەر ئێکی ڕەشبینی ھەلبژارت چ بدەستڤە نائێتن، لێ ھەکەر گەشبینی ھەلبژارت ھیچ نەبیت چ تشتەکی ژ دەست نادەتن.
یێن ئەڤرۆ ڕەشبین ڕامانا وێ ئەوە ھەمی دەمەکی ڕەشبینن بەس نۆکە یا زێدەتر بی. چنکی ئەڤە ش مێژەیە یا بیە پشکەک ش کەساتیا وی.