چەند ڕۆژێن بۆری وەرچەرخانەک مەزن ڕووی دا. ھەڤکێشێن سیاسی و لەشکەری ب گشتی و ل دەڤەر و کوردستانێ ئالۆزن. ھەمی کەس نھێنیی و گەلەک تشتێ ھویر ژێ نزانت. لەوما بەردەوام ژ بلی شاشی یا ھزرکرنێ، پت پت و کۆت کۆت و پۆر پۆرێ دکەن، و ب گازندە و بەلکۆ سل و ھندەک ژی بترسن.
لێ ھەمی ئەو ش خۆ و بێ مفا و بێ شۆلن. مە قۆربانی دان و دێ دەین. ڕەڤ و پەریشانی ھەبی و دێ ھەبت، وەکی ھەر جار و ھەر سال. بەلێ پا چ جاران ئەنفال و جینۆساید و کێمیاباران نابیتن. ئەڤە یا بیە حەتمیەتەک و واقعەک د ئەڤرۆیا مە دا.
دبیتن ھەبن باوەر ناکن. گازندا دکن. بێ بەختیا دکن. و .... ھتد. ئەو ڕاستن ؟! نەک چونکی ڕاستن، بەلکۆ چونکی نەڕاستن ! مەژیێ ھندەک و گەلەک مرۆڤان ھند و گەلەک بچویکە بشێن ڤان تشتا و وی ملێ وان ھەڤکێشا ببینن و بخوینن، لەوما ئەو ڕاستن ھەکەر گازندا بکن. بەلێ پا نەڕاستن ھەکەر ژبەر بچویکاتیا مەژیێ خوە، دلێ خەلکێ بئێشینن و بترسن و ڕەشبین بن.
ل شوینا پۆر پۆرێ، بێھنا خۆ دێ فرھە کن. مینن ل ھیڤییا دەمی. دەم نیشانی وان دەتن ئەڤ ڕوویدانە ژ بین، و ئەڤ بگرە و بەردەیە بۆ چنە و دێ گەھنە کیرێ. ئەو ئەندازیارێ ڕابی ب دەیناندنا بناغێ وێ چەند ھشیار و چەند خەمخۆر و سیاسەتوانەکێ ھەژییە، بشێتن د ڤی کاودانی و ململانێیا بزەحمەتا زلھێزێن جیھانێ بۆ ڤێ دەڤەرێ ب قۆربانیەک بچوویک مە ژ دڕندەترین ھێزێن دەڤەرێ، ئەوێن ڕۆژئاڤا و ڕۆژھەلات ( شرق و غرب) زووی ب زووی نەشێن و نەوێرن خۆ لێدەن، لسەر دەستێ ڤی ئەندازیاری ئێینە ڕزگارکرن. ھنگی دێ کەساتی و سایکۆلۆژیایا وی بۆ ھەوە ڕۆھن بیتن و شانازیێ پێبەن.
دەستپێکا ڤێ چیڕۆکێ، وەکی ھەمی چیڕۆکێن کوردا نەخوەشە، بەلێ پا ڕاوستن تا دۆماھیکا وێ ببینن. دبیتن ھەکەر ھندە وێ دۆماھیکا ئەم ژێ دئاخڤین، ئەڤرۆکە بخوینن و ببینن و بزانن دلێ وان ژ کەیف و خۆشییا ڕاوستیتن. ھنگی دێ زانن کا چەوا دڤیا ماری ب دەستێ کێ بدەیە کۆشتن. چونکی ھەر زەڤلەکی بەڤلەکێ ھەی و ئەندازیارێ دەولەتا کوردستانێ ئەو بەڤل یێ ڤەدیتی و بۆ ژناڤبرنا وی بەڤلی ئینای. لێ مە پێدڤی ب ھێجەتەک مەزن بی چونکی وی ماری خۆ بدەستڤە نەددا و بکۆژی ژی ھێجەت نەبین و یاسایێن نێڤدەولەتی ژی نەدھێلان، بەلێ پا ھێدی ھێدی و ب قۆربانیەک کێم و زێدە، ھەمی ھاتن و دێ ھێنەچێکرن و تنێ یا مای ئەم چ خەلەتیا و لەزێ نەکەین. مە دوژمن یێ ئینای بەر کۆنا ماری و شانا زرکێتکا و مە دەستێت وی کرینە تێدا. دێ مار پێڤە دت.
دێ ئەم ب بێھنفرەیێ، ئێکڕێزی، ئێکگرتنێ و ھشیاریێ، گۆھدارییا تمام بینا ڤێ چیڕۆکا تەحل و شرین کەین !!! چنکی مە چ ڕێکەک بسانەھیتر و خۆشتر و بەردەستتر ش وێ پێڤەتر نینە. ھەر ڕێکەک دیتر یا شاش دبیتن کارەساتەک ل پشت بیتن. پێدڤییە وەک ھەر کاروانەک ھەژی، کاروانێ کوردستانێ ژی بەرەڤ پێش بچیتن نەک بەرەف پاش. ئەوێت وەسا نابینن ئەگەر ئەوە مەژیێ وان بچوویکە و یێ ل پاش !! دێ بینن !! *پرۆفیسۆرێ ە. ب زانستێ دەروونناسیێ/فاکۆلتییا پەروەردە/ زانینگەھا زاخۆ