دوای ئەوەی ئەرکی ئەنجومەنی باڵای ریفراندۆم ئەرکەکانی خۆی تەواو کردن و ناوی خۆی گۆڕی بۆ سەرکردایەتی سیاسی کوردستان (داش) عێراق، دیارە ئێران و تورکیا و عێراق و کەسانی سیاسی و ئەقڵمەنیش زۆر باش لەو (داشە) دەگەن، بەڵام بە داخەوە بەرەی نەخێرو هەرد و حزبی گۆڕان و کۆمەڵی بایکۆتچی نەیان ویستووە تێی بگەن، هەر بۆیەش نەیانزانی وەڵامی درووستی ئەو سەرکردایەتیە و (داشەکە) بدەنەوە.
دیارە بەلای بەرەی نەخێر و هەردوو حزبی بایکۆتچییەوە گرنگ دژ بوون و هەنگاونانی پێچەوانەیە، دەبوایە لەوەشدا دژ و پێچەوانە بن و کورد گوتەنی لە جێی مستێ پێلاقەیان وەشاندبا، ئەوەش بەوە دەکرا کاتێ بەرەی بەڵێ و سەربەخۆیی کوردستان ئەرکی ریفراندۆمیان تەواو کرد و ناوی خۆیان گۆڕی بۆ سەرکردایەتی سیاسی کوردستان (داش) عێراق، ئەوانیش وەک وەڵامدانەوەی درووستی ئەو هەنگاوە ناوی خۆیان گۆڕیبا بۆ بەرەی چوونەوە بەغدا و (جاش) عێراق.