ھیڤی دەستپێک و دۆماھیکا گەلەک دەستکەفت و سەرکەفتنایە، چ لسەر ئاستێ تاکی و چ یێ سیاسی و نەتەوەیی. ھیڤی مرۆڤی دھێلیتە سەر پێت خوە، و بێ ھیڤی بوون چۆکێن وی دچەمینن و بەرەڤ دۆماھیھاتنێ پالددەن. کەس ھیڤی یێ ناکتە د سەبەتەکێ دا بدتە مرۆڤی. ھیڤی بەرھەمێ ھزر و دیتن و فەلسەفا مرۆڤی یە بۆ خوە و ژیانێ و دۆرماندۆر. ھیڤی یەکسانە ب گەشبینیێ.
ھەر کەسەک بخوە بۆ خوە ھیڤی یێ چیدکەت. ھیڤی خوە دناڤ ئارمانجێت وی کەسی دا دبینن، و دبنە ماتۆرَ و دەینامۆ و ( مزەخە) و پالدەرێ ژین و ژیانێ.
ڕاستە ھیڤی یێ مەرج و کاودانەک تایبەت و خوەش دڤێتن، بەلێ پا مرۆڤ بخۆ ژی مەزنترین ھیڤی یە. گەلەک کەس ھەنە ھەمی تشتێت ھەین، بەڵی ھەر یێ بێ ھیڤی یە. ئەو مرۆڤ ب پارە زەنگینە، بەلێ بێ ھیڤی و مرییە. مرۆڤێ ھەی چ تشتەک نینە، بەلێ ب ھیڤی و گەلەک بەختەوەرە. جۆش و خرۆشا وی ش ھەمیا پترترە.
وەلات ژی وەسایە. گەلەک وەلات سەربخۆنە، بەلێ بێ ھیڤی بوونێ یێت کۆشتین و چ بەرھەم و داھینانەک نینە تنێ نان و زکە، و ڕۆژێ دکنە شەڤ و شەڤێ دگەھیننە سپێدێ. ئەو ڕۆبۆتن.
بەڵی ! کوردستانێ ب ھێڤێنێ ھیڤیاتیێ سەدان سالە خوە لبەر ھەر نەخۆشییەکێ گرت، و ل دەولەتبوونێ دا، دێ بتە ئێک ژ پیشەنگێت شارستانیەتێ، وەک چەوا بابۆکالێت وان یێت میدی لسەردەمێ زەردەشتی وەسا بین. ژ ڤێ چەندێ یە چاڤێت گەلەک کەس و لایەن و وەلاتا ب مە ناڕابن. تنێ کێماسیەک یا ھەی و پێدڤییە تاکێ کوردستانی، چ لسەر ئاستێ گشتی و چ لسەر ئاستێ سەرکردایەتی و سیاسی، سەر ژ نوی ھزرکرنا خوە فۆرمات بکەت، دا بەرمایکێت وان ڤایرۆسێت ڤان چەند سەد سالا ش مەژیێ نەتەوەیێت ناسیۆنالیستێت شۆڤینیزم ل دەڤەرێ، ھاتیە د مەژیێ مە دا، و ئەو شویشتی، بھێتە (delete) کرن. *بسپۆرێ زانستێن پێداگۆگی و پەروەردەیی/فاکۆلتییا پەروەردە/ زانینگەھا زاخۆ