هەڵسەنگاندنەكی یاسایی بۆ كۆی بریارەكانی ئەنجومەنی نوێنەرانی عێراق

هەڵسەنگاندنەكی یاسایی بۆ  كۆی بریارەكانی ئەنجومەنی نوێنەرانی عێراق
هەروەكوو سەرۆكی حكومەت لە لێدزانەكانی بۆ میدیای توركی باسی لێوەكرد نەبوونی هیچ دەستورەك بوو كە حكومەتی ناوەند پشتی پی ببەستیت باسی دەستوور دەكەن، ئەو ماددانەی كە خۆیان پێیانخۆش بێت لە خزمەتی تائیفەیەكی دیاریكراو بێت جێبەجێ دەكرێت، ئەوانەی دیكە كە لە خزمەتی ئەواندا نییە، هەمووی پشتگوێ دەخرێت و هیچیشی جێبەجێ ناكرێت، هەروەكوو سەرۆكی حكومەت باسی لێوەكرد تەنانەت پێشەڵی زیاتر لە 50 مادەی دەستوری كردووە كە دیارترینیان،بودجەو موچەی پێشمەرگە،رێژەی هێزەچەكدارەكان،ناردنی دەرمان و پێداویستییەكانی پزیشكی و پەروەردەیی بە پێی رێژەی دانیشتوان و....هتد.
بەڵام دوا بە دوای ئەوەی حكومەتی هەرێمی كوردستان لە بێبەش بوون لەو تەوافقە سیاسییەی كە لە عێراق بنەماكەی لە سەر دانرابوو نائومێد بوون بریاریان لە سەر چارەنووسی خۆیاندا ئەویش بە پێی ئەوەی لە دیباجەی دەستوردا هاتووە:" ئێمەی گەلی عێراق بە سەرجەم پێکهاتەکانیەوە بە تەواوی ویستی خۆمان بە ئازادانەو ئارەزوومەندانە بڕیاری یەکگرتنی ئارەزوومەندانەمان داوەو دەرس وەردەگرین لە ڕابردومان بۆ داهاتوومان، وە لە بەها باڵاکانی پەیامە ئاسمانیەکان و دۆزینەوە نوێکانی زانست و شارستانیەتی مرۆڤەوە ئەم دەستورەمان دانا. پابەندبوون بەم دەستورەش یەکێتی ئازادانەی گەل و خاک و سەروەری عێراق دەپارێزێ "
بەڵام كاتەك راپرسی ئەنجامدرا لە كەمتر لە 48 كاتژمێر سەرۆك وەزیرانی عێراق كۆمەڵك راسپاردە و گەمارۆی بە سەر هەرێمی كوردستاندا لە رێگەی ئەنجومەنی وەزیرانەوە سەپاند ئەگەر پێداچونەوەیەك لە ئەرك وبەرپرسیارەتی ئەنجومەنی نوێنەران بكەین بە پێی مادەی (61 )لە دەستوری هەمیشەیی عێراق لە ساڵی 2005 دەبینین كە:
یەکەم: دانانی یاسا فیدرالیەکان.
دووەم: چاودێریکردنی دەسەڵاتی ڕاپەڕاندن.
سێیەم: هەڵبژاردنی سەرۆک کۆمار.
چوارەم: ڕێکخستنی پرۆسەی پەسەندکردنی پەیماننامەو ڕێککەوتنە نێودەوڵەتیەکان بە دانانی یاسایەک کە لەلایەن زۆرینەی 3/2 ی دەنگی ئەندامانەوە پەسەند دەکرێت.
پێنجەم: نیشاندانی ڕەزامەندی لەسەر دامەزراندنی هەریەک لە:
‌ڕ- سەرۆک و ئەندامانی دادگای تێهەڵچوونەوەی فیدرالیو سەرۆکی داواکاری گشتیو سەرۆکی دەستەی سەرپەرشتیاری دادوەری بە زۆرینەی ڕەها، لەسەر پێشنیاری ئەنجومەنی دادوەری باڵا.
‌ب- باڵوێزو خاوەن پلە تایبەتەکان لەسەر پێشنیاری ئەنجومەنی وەزیران.
‌ج- سەرۆکی ئەرکانی سوپاو جێگرەکانیو ئەوانەی لە پلەی سەرکردەی تیپ(فیرقە) و بەرەو ژوورترن، هەروەها سەرۆکی دەزگای هەواڵگری لەسەر پێشنیاری ئەنجومەنی وەزیران.
شەشەم:
ڕ‌- لێپرسینەوەی سەرۆک کۆمار بە پشت بەستن بە داوایەک کە تێیدا هۆکاری لێپرسینەوەکە ڕوونکرابێتەوە بە زۆرینەی ڕەهای دەنگی ئەندامانی ئەنجومەنی نوێنەران
بە لێكدانەوەی ئەو ئەرك و بەر پرسیارەتییەی كە لە سەرەوە باسی لێوە كرا دەبینین هیچ یەك لەو گەمارۆیانەی كە لە دەستوردا نەهاتوون و هەموو ئەو 12 خاڵە بۆ مەبەستی سیاسی لە لایەن ئەنجومەنی وەزیرانەوە دەركراون و هەرێمی كوردستان پابەند نابیت بە هیچ یەك لەو یاسایانەی كە بۆ مەبەستی سیاسی و تەنیا بە هۆی گشتپرسی سەربەخۆیی كوردستان دروستبوونە.
Top