پشتی دەنگدانێ بەرێز نێچیرڤان بارزانی سەروکێ
‎حکومەتا ھەرێما کوردستانێ د پریس کونفرانسەکێ دا ب ئامادەبونا ھژمارەکا زور ژ میدیایێن نافخوی و جیھانی پەیڤەک پێشکێشکر د پەیڤا خودا ئەنجامدنا پروسەیا ریفراندومێ ب پروسەیکا مێژوی بو گەلێ کوردستانێ لێ قەلەمدا و پیروزباھی ل گەلێ کورد کر .
‎ دیسان داخاز ژ وەلاتێن جیران کر ئەوێن دژایەتیا خو بو ئەنجامدانا ریفراندومێ دنێرن و گوت : جھێ داخێ یە دیتنا ڤان وەلاتان . ئەڤ کارە نە تاوەانەکە ئەنجام ددەین مافێ گەلێ کوردە و ب شێوەیەکێ ئاشتیانە داخازا مافێ خو دکەن و ل جھێ گەفان بلا دەرگەھێ دان و ستاندنێ ڤەکەن .
‎ د بەرسفا ھندەک پرسێن روژنامەڤانادنا ھندەک خالێن گرنگ و مێژوی بەحسکرن ژ وان خالان . ئەنجامدانا ریفراندومێ ل کەرکوکێ و دەڤەریێن فەقەتیایی سەروکێ حکومەتا ھەرێما کوردستانێ گوت : ئەنجامدانا ریفراندومێ نە بەس بو نەتەوەیا کوردە بەلکو بو ھەمی پێکھاتایە ژ کورد و عەرەب و تورکومان و مەسیحیان و ھەمی پێکھاتین ل سەر ئاخا کوردستانێ د ژین ماف ھەیە .
‎ سەبارەت سیاسەتا حەیدەر عبادی ژی گوت : خەلکی کوردستانێ نەکەفە ل سەر عیراقێ بەلکو عقلیەتا دادوەریا عیراقێ کەفەک مەزنترە ل سەر عیراقێ .مە ھەمی دەمان ژی ھەولا جارەسەریا دگەل حکومەتا عیراقێ کرینە و یا بێ مفا بوو .
‎ ھەروەسا سەروکێ حکومەتا کوردستانێ د ئاخفتنا خودا گوت : ئەڤرو پروسەیا ریفراندومێ ھاتە ئەنجامدان و ئارمانج ژێ دروستکرنا دەولەتا کوردستانی یە . لێ سوباھی ئانکو ٢٦ ھەیڤێ سەربەخویا کوردستانێ ناھێتە راگەھاندن . و روژا پاشتر ئالایێ عیراقێ ناھێتە لادان ، و روژا دیڤدا سنورێن کوردستانێ ناھێنە دیارکرن بەلکو پروسەیا دیڤ ریفراندومێ دا دێ بیتە پروسەیا دان وستاندنێ د گەل حکومەتا بەغدا و دێ ب شێواوزەکێ باش ھەمی پرسگرێگێن ھیێن دێ چارەسەر بن .