پشتی کو ل ٧ ی حوزەیرانا ئەف سالە ب بریارا جەنابێ ؛ سەروکێ ھەرێماکوردستانێ ؛مەسعود بارزانی ؛ ھاتیە دیارکرن کو ریفراندوم وسەربەخویا کوردستانێ ب دەنگێن گەلی ل ٢٥ی ٩ بھێنە ئەنجام دان . ژبو ڤێ یەکێ ژی زور کارڤەدانێن نافخویی و دەرەکی دروست بون . نەک لدژی ریفراندومێ بەلکو ب بوچونا وان دەم نەیێ گونجایی بویە . لێ کارڤەدان و گوتنێن جوداو تاما توندرەویێ ژێھاتی یێن، حکومەتا بەغدا بون ئەو حکومەتا تانھا نەشیایە یەک بریارا دروست د بەرژەوەندا خەلکێ عیراقی َدابدەت ئەڤجا دێ چاوا بریارێن وان باشیێ ل ھەرێما کوردستانێ کەن ,ژبەرکو وان ڤیایە ھەردەم ئەو جھێ بریارێ بن ل ھەرێما کوردستانێ . ئەڤەژی د دەمەکی دایە کو ھەرێماکوردستانێ بریاراخوەدایە , وان دڤێت ژ عیراقێ جودا بژین .نەک لدژی عیراقێ بن . وەکی د پەیاما جەنابێ ؛ نێچیرڤان بارزانی ؛ سەروکێ حکومەتاھەرێما کوردستانێ دا ھاتی ئەوا ل روژا دەنگدان ب سەربەخویا کوردستانێ دا پێشکێشکری و گوتی : روژا ریفراندوم و سەربەخویا کوردستانێ روژەکا مێژوویە ژبو ھەموو پێکھاتەیێن دناڤا ڤی وەلاتی دا دژین و پەیاما مەیا ڤێ روژََێ پەیامەکە ب شێوەکێ ئاشتی و دیموکراسی و ھێمنانە یە کوگەل رەئیاخوە دیاردکەت ، کائەوان پاشەروژاخوە و ڤی وەلاتی ب چ شێوەی دڤێت ؛ نێچیرڤان بارزانی گوتژی : بێی شک ئەوا ئەم ئەڤرۆ ل ھەرێما کوردستانێ دبینین ، پروسا ریفراندومێ و دەنگدانێ بو ھندێ نیە ئەم ل روژا پاشتر سەربەخویا کوردستانێ رابگەھینین ، سنورا ب وێ ریفراندومێ دەست نیشان بکەین . یاگرنگ بومە دڤێ دەنگدانێ دا ئەوە کو ھەموو وەلاتێن دەوروبەر و بەغداژی ئاگەھداربکەین بتنێ مەدڤێت ئیرادەیا گەلێ خوە نیشا دونیایێ بدەین و مەدڤێت بەرەف سەربەخویێ بچین ، سەروکێ حکومەتا ھەرێما کوردستانێ گوتژی : ئەڤە نێزیکە ٢٠ بیست سالا پترە ئەمێ ژبو وەلاتێن دەوروبەر و بەغداژی ئیزبات دکەین کو ئەم عاملێن سەقامگیریی و ئارامیێ یینە ل ناوچەیێ و بێ شک ئەم دی َھەرمینین فاکتەرەکێ سەقامگیرو ئێمن ل ناوچێ و ژبو جیرانێن خوەیێن بەغداژی .