ئه‌ی فراسیۆنه‌كه‌تان یه‌كنه‌خستن؟!
سووره مه‌رگه‌یی
ئه‌مڕۆ دوا واده‌ی پارێزگاره دوو ساڵیه‌كه‌ی یه‌كێتی و سه‌ره‌تای ده‌ست به‌كاربوونی پارێزگاره دوو ساڵیه‌كه‌ی بززتنه‌وه‌ی گۆڕان بوو، هه‌ڤاڵ ئه‌بوبه‌كری چاو له دووی پۆستی پارێزگار ئه‌وه‌نده به په‌له بوو بۆ گه‌یشتن به كورسیه نه‌رمونۆڵه‌كه‌ی پارێزگار، هیشتا پارێزگاری كۆن ده‌ستی له كار نه‌كێشاوه‌ته‌وه ده‌یویست خۆی بكات به پارێزگار، ئه‌وه‌یه كه ده‌ڵێن: نه‌ڕێسراوه و نه‌ته‌نراوه و شه‌قه‌ی دێ، هه‌ڤاڵ ئه‌بوبه‌كریش به‌ر له‌وه‌ی بڕێسرێ و بته‌نرێ ده‌یویست شه‌قه‌ی لێبێنێ، به‌ڵام هه‌ر زوو فراكسیۆنی یه‌كێتی له ئه‌نجومه‌نی پارێزگا به هه‌ڤاڵ ئه‌بوبه‌كریان گوت: ده‌بێ ئێمه بۆت بڕێسن و بۆت بته‌نین ئه‌وجار تۆ ده‌توانی شه‌قه‌ی لێبێنی، ئێمه‌ش نه بۆت ده‌ڕێسین و نه بۆت ده‌ته‌نین، تۆ هه‌ڵه‌ی ئه‌گه‌ر بته‌وێ شه‌قه‌ی لێبێنی، نامه‌وێ چیتر به دوای ئه‌و باسه بكه‌وم كه ته‌نها سینارۆیه‌كه و كورسی پارێزگاری پێ له هه‌ڤاڵ ئه‌وبه‌كر ده‌زن، ئه‌وه‌ی ده‌مه‌وێ بیڵێم: ده‌ركه‌وت كه رێككه‌وتنی نێوان نه‌وشیروان مسته‌فا و باڵی ده‌ستریشتووی ناو یه‌كێتی نیشتیمانی و یه‌كخستنی فراكسیۆنه‌كانیان ته‌نها و ته‌نها بۆ دژایه‌تی پارتی دیموكراتی كوردستانه و هه‌موو به‌ند و خاڵه‌كانی تری چاوبه‌ستن و خه‌ڵكی پێده‌گه‌وجێنن.
