كامیره‌ی شاراوه بوو
سووره مه‌رگه‌یی
ئه‌ها مام جه‌لال پێڵاوی ئه‌تاتورك ماچ ده‌كات، مام جه‌لال مردووه و له به‌فرگر دایه، یه‌كێتی گه‌نده‌ڵه و ده‌ستی به‌سه‌ر قووتی خه‌ڵكدا گرتووه، دیكتاتۆره و ده‌سه‌ڵاتی پاوانكردووه، ده‌بێ ئه‌و دز و گه‌نده‌ڵانه بدرێنه دادگا و سزا بدرێن، هه‌ر درۆ و دراویان هه‌یه، درۆكانیان ئاشكرا بوون و پاره‌كه‌شیان لێ ده‌ستێنینه‌وه، ته‌نانه‌ت كارێكی وای كردبوو منداڵه ورده‌كه‌ش له شه‌قام و میدیاكان په‌لاماری مێژووی یه‌كێتی و كه‌سایه‌تی مام جه‌لالیان ده‌دا.
حه‌وت ساڵ به‌و هاتووهاواره خه‌ڵكی گه‌وجاند، دوای ئه‌وه كاكه (نه‌وه) له ماڵی مام جه‌لال و له ماوه‌ی (20) خوله‌كدا و به واژۆیه‌ك هه‌موو درۆكانی له یه‌كێتی سه‌ندن و پاره‌كه‌شی بۆ به‌جێهێشتن.
ئه‌رێ به‌ڕاست ئه‌وه‌ی روویدا كامیره‌ی شاراوه نه‌بوو؟! وه‌ڵڵا كاك نه‌وشیروان مسته‌فا باشترین فلیمساز و كامیره‌مانی كامیره‌ی شاراوه‌یه.
ئه‌رێ به‌ڕاست كاتێ گه‌وجێنه‌ری گه‌وجێنراوان و هه‌ڵسووڕێنه‌ری هه‌ڵسووڕێنراوان له ماڵی مام جه‌لال و له‌گه‌ڵ ئه‌و دز و گه‌نده‌ڵانه واژۆی رێككه‌وتنی سیاسی ده‌كرد، دز و گه‌نده‌ڵه‌كانی دادگایی كردن یان خۆی دادگایی كرا؟!
