هەرچەندە كە تیرۆریزمێ قوسوری د ئازاردان و وێرانكرنا خەلك و جهێن دیتر و تۆلڤەكرن ل وان نەكرییە، لی َد هەمان دەمدا ب ئاشكرایی دبینین كە كێم نینن ئەو كەسێن وان بخۆ ژناڤ ئەندامێن خۆ دا گۆللەبارانكرین و یان ب هێجەتێن جۆداجۆدا ژناڤبرین. ئەگەر هەرچییەك بیتن گرنگ ئەوە بزانین ئەڤ رەفتارێن ژ ڤی بابەتی د زانستێ سایكۆلۆژیایێدا ناڤەكێ تایبەت یێ هەی و ئەو ژی زڤڕاندن ل دژی خۆدێ خۆ یە(turning against self). ئەڤ پرۆسێسە هنگی رووی ددەتن كە بۆ نموونە دەمێ كەسەك نەشێتن هەلچۆن و رەفتارێن تووندرەوانە و دژایەتیكەرانە یێن خۆ ئاراستەی دەستهەلاتدار یان مامۆستا یان دەیبابێن خۆ بكەتن، دێ بزاڤێ كەتن ل شوینا وان دەست ب ئازاردانا خۆ بكەتن، چونكی بڤی رەنگی ئازاردانا خۆ لنك وی بسانەهیتر و كێم مەترسیدارترە ژ ئازاردانا وان كەسان.
ئەڤ رەفتارە ب شێوەیەكێ بەرفراوان و لدەمێن جۆداجۆدا و دناڤ ڕێزێن تیرۆریستێن وەكی داعشێ و یێن دیتر دا رووی ددەتن دەمێ كە هندەك ئەندامێن خۆ و ژ نەتەوەیێن جۆداۆجدا و ب هێجەتێن جۆداجۆدا گۆللەباران دكەتن و ئەڤە نیشانەكە ژ هندێ كە دەمێ دەستێ وان ژ كەس یان لایەن و خەلكا دیتر ناگریتن گۆللەبارانكرنا چەكدار و ئەندامێن خۆ و ئازاردانا خۆ بڤی رەنگی باشترین ملحەم و دەرمانە بۆ برینێن وان، و ئەڤ چەندە چەندین جاران یا ژ وان چەكدارێن وان یێن كورد گرتی كە دناڤ ڕێزێن وان جهەك بۆ خۆ ڤەكری لێ پشتی هنگی بەر هەستا خۆ ئازاردانا ڤێ ڕێكخراوێ كەفتین و هاتینە گۆللەبارانكرن و ژناڤبرن.
• ئەڤبابەتە یا ل ڕۆژناما (وار ) هاتیە بەلاڤكرن ژمارە (1416 ) ل ڕێكەفتی (22/9 /2015) ل. ( 6 ).