یاری دامه بۆ به‌سالاَچووه‌كان
May 25, 2012
کۆمەڵایەتی
حكومه‌ت بیر له به‌سالاَچووه‌كان ناكاته‌وه
حاجى ئه‌نوه‌ر عه‌لى ناسراو به‌ئه‌نوه‌ره سوور ده‌ڵێت:" رِوومان نایه‌ت بچینه چایه‌خانه‌كان ئیتر رِووی چیمان هه‌بێت بچین بۆ كافتریا ، چونكه هه‌موومان نه‌خۆشین هیچ شوێنێك نیه رِووى تێبكه‌ین ئه‌وه‌نده نه‌بێت كه رۆژ لێره به‌رێده‌كه‌ین ئه‌گه‌ر شوینێكى تر هه‌بێت ده‌چین . حاجی ئه‌نوه‌ر پێی وایه یاری دامه خۆشترین یارییه ، ده‌ڵێ " چونكه هیچى تێناچێت هه‌موومان پاره‌مان كه‌مه ناتواننین بچین دۆمینه‌وه تاوڵه بكرێن بۆخۆمان به‌گیچ خه‌ت ده‌كێششین و داما ده‌كه‌ین ، ئه‌گه‌ر كه‌سێكمان تاوله یان دۆمینه بهێنێـت ئه‌وكات ئه‌و گه‌مانه‌ش ده‌كه‌ین .
هه‌روه‌ها حاجى ئه‌یوب حه‌مه‌د ئه‌مین وه‌ك باسی ده‌كات وده‌ڵێ " هیچ شوینێكمان نیه هه‌ر ئه‌ونده‌مان هه‌یه له‌گه‌رێك له‌كن بیرێك یان له‌سێبه‌رى مزگه‌فتێك داده‌نیشن و بۆخۆمان له‌وێ یاری دامه ده‌كه‌ین . حاجی ئه‌یوب گله‌یی له‌حكومه‌ت ده‌كات ده‌ڵێت " حكومه‌ت چ شوێنێكى بۆ ئێمه نه‌كردۆته‌وه هه‌ر خه‌ریكى گه‌نجه‌كان چ بیر له‌پیره‌كان ناكاته‌وه باشه چی بكیه‌ن و ئه‌گه‌ر شوینێكى باشمان بۆدابنین ده‌چین و له‌وێ داده‌نیشین ، گه‌ر باحكومه‌تى هه‌رێم چاخانه‌یه‌كمان بۆبكاته‌وه ده‌چین له‌وێ داده‌نیشن.
تام خۆشی یارییه‌كه له‌وه‌دایه كه به‌لاشه
حاجی ئه‌نوه‌ر ئه‌وه‌ده‌خاته‌رِووكه گه‌نجه‌كان به‌رده‌وام گاڵته‌یان پێده‌كه‌ن ده‌ڵێ"ئه‌وان واده‌زانن كه قه‌د پیرنابن وه‌ك ئێمه‌یان لێه‌به‌سه‌رنایه‌ت ، ئه‌گه‌ر بێشن له دووره سه‌یر ده‌كه‌ن . هه‌روه‌ها هه‌ندێكجار پاره‌یه‌كى كه‌م داده‌نێن، به‌لاَم كه‌م چونكه پاره یارییه‌كه‌حه‌رام ده‌كات ، ئێمه‌ش هه‌موو نوێژ ده‌كه‌ین ، له‌به‌ر ئه‌وه ئێمه قه‌د پاره له‌هیچ گه‌مه‌یه‌كدا دانانین و هه‌وڵده‌یده‌ین به‌بێ پاره یارییه‌كان بكه‌ین . مام رِه‌سولیش هه‌مان رِای" حاجی ئه‌نوه‌ر" ی هه‌یه‌و ده‌ڵێت " له‌م یارییه دا هیچ پاره‌ی تیادانانێین ، چونكه گه‌ر پاره‌ى تیادابێت حه‌رام ده‌بێت له‌به‌ر ئه‌وه ناكرێت پاره‌ى تیادا بێت ، دواى ئه‌وه‌وه هه‌موومان چیمان له‌ژیان ماوه هه‌تا پاره له‌یاردا دابنێن و بیبه‌ینه‌وه یان بیدۆرینین ، تاموخۆشى یاریش له‌وه‌دایه كه‌به‌لاش بێت نه‌ك پاره‌ی تیادابێت .
