خانمە ئەكتەرو گۆرانیبێژی ئەمریكی (سیلینا گۆمێز) لە چانێڵی تایبەتی خۆی لە تۆڕی كۆمەڵایەتی یوتیوب ئەلبۆمێكی نوێی گۆرانی لە ژێر ناونیشانی (revelacion) بڵاوكردەوە, كە سەرجەمیان بە زمانی ئیسپانی بەرهەم هاتوون و لە 7 تراك پێكهاتوون, لەلایەكی دیكەوە سیلینا گۆمێز لە چاوپێكەوتنێكیدا لەگەڵ گۆڤاری (ڤۆگ) بڕیارێكی سەرسووڕهێنەری ڕاگەیاند كە بەشێك لە هەوادارانی تووشی شۆك بوون, ئەویش وازهێنانی یەكجاری لە كاری گۆرانی .

سیلینا لە بارەی وازهێنانی ئاماژەی بەوە كرد كە بیری لەوە كردۆوتەوە واز لە كاری گۆرانی بهێنێت و گرنگی بە كاری فیلم و بەرهەمهێنان بدات, سیلینا بۆ (ڤۆگ) گوتی: شتێكی قورسە كاتێك ئەو ڕێزە بەدەست نەهێنیت كە چاوەڕێی دەكەی وە هەر لە گۆرانی چڕین بەردەوام بیت....هەروەها گوتی: خەڵكی بە گرنگی و بایەخەوە لە كارەكان ناڕوانن, بۆیە سەرم سووڕماوە تا بپرسم, ئامانج چیە لەم كارەدا..بۆچی دەبێت بەردەوام بم .

ئەگەر هەیە وازهێنانی سیلینا گۆمێز لە كاری گۆرانی, دوای بڵاوكردنەوەی ئەم ئەلبۆمە نوێیە بێت و چیتر بەردەوام نەبێت .