دوای تەواوبوونی كارەكانی فیلمی سینەمایی كورد (09) وادەی نمایشكردنی لە هۆڵەكانی سینەمادا دیاریكرا .

بڕیار وایە لە 4/3/2021 نمایشی یەكەمی فیلمی كوردی (09) لە سەرجەم سینەماكانی كوردستان ساز بكرێت .


فیلمی سینەمایی کورد(09) كە بەرهەمی کۆمپانیای کام پڕۆدەکشنە, بۆ یەکەمین جارە لە سینەمای کوردیدا فیلمێک بە چەشنی تاوان و نهێنی بە پێی ستانداردی جیهانی و دەستی کاری ناوخۆیی بەرهەم بهێنرێت. ئەم فیلمە لە دەرهێنانی بەختیار فەتاح و بەرهەمهێنانی سامان جەلال و بەختیار فەتاحە.

فیلمی 09 كە بەختیار فەتاح كاری دەرهێنانی بۆ كردووە, هەر یەك لە شوان عەتووف- ماهیر حەسەن- سیروان جەمال- چریكە عەبەڕەش- ژاڵە ڕەسووڵ وەك ئەكتەری سەرەكی تێیدا بەشدران .