تیپی نەتەوەیی هونەرە میللییەكانی هەولێر، كە سەر بە بەڕێوەبەرایەتیی گشتیی رۆشنبیری و هونەری هەولێرە، خۆی بۆ فێستیڤاڵی وەرزی ئامادە دەكات و بەو بۆنەیەشەوە چەندین چالاكی ئەنجام دەدات.

لەو بارەیەوە، به‌در هه‌ولێرى، بەرپرسی بەشی كەلەپوور و هونەرە میللییەكانی هەولێر ڕایگەیاند: "تیپی نەتەوەیی هونەرە میللییەكانی هەولێر، ئێستا خۆی بۆ فێستیڤاڵی وەرزی ئامادە دەكات، كە بەو بۆنەیەشەوە چەندین چالاكیی جۆراوجۆر ئەنجام دەدات".

گوتیشی: "چالاكییەكان بریتین لە تابۆلی بەهار/ مەشق و دیزاین و سیناریۆی (هیمداد لەشكری عەزیز) و ئامادەكردن و دابەشكردنی موزیك (بەدر هەولێری) و گوتنی گۆرانی (كەریم گوڵانی) و (مەحموود محەمەد)".

بەدر هەولێری دەشڵێت: "چالاكییەكی دیكه‌ بریتییە لە تابلۆی گۆڤەند/ مەشق و دیزاین و سیناریۆی (هیمداد لەشكری عەزیز) و ئامادەكردن و دابەشكردنی موزیك (بەدر هەولێری) و گوتنی (عەباس عاشق)".

روونیشی كردەوە كە چالاكیی سێیەم، پێك هاتووە لە تابلۆی كارمامز/ مەشق و دیزاین و سیناریۆی (هاشم عەبدوڵڵا حەمەدەمین)، ئامادەكردن و دابەشكردنی موزیك (بەدر هەولێری) و گوتنی گۆرانی (كەریم گوڵانی و مەحموود محەمەد).

basnews