گالەری لەپ زێرین بەهاوكاری (هاوكار گروپ) پیشانگەیەكی هاوبەشی فۆتۆگرافی بۆ فۆتۆگرافەران (رێبین چاڵاك، رەنج عەبدالله، سۆران نەقشبەندی، ئارام كەیم، ئاكام شێخ هادی، قادر فەرەجی، عەلی ئەركادی، سامان مەجید، عادل زرار) لە كاتژمێر 10:30 ی بەیانی رۆژی 6.3.2012 لە هۆڵی نیاندەرتاڵی گالەری شانەدەر كردەوە.
(رێبین چاڵاك) بەرپرسی گالەری لەپ زێرین رایگەیاند: ئێمە وەك كۆمەڵێك فۆتۆگرافەر بە بۆنەی رۆژی 8 ی مارس ئەم پیشانگەیەمان رێكخستووە. كە تابلۆ فۆتۆییەكان بەگشتی گوزارستن لە وێنەی پۆرترێتی و ژیانی رۆژانەی ئافرەتانی كوردستان.
(هاوكار رسكن) بەرێوەبەری هاوكار گروپ وتی: ئێمە وەك سپۆنسۆری سەرەكی "نمایشی هونەری شانەدەر" بەپێویستمانزانی لەم بۆنەیەدا لە هۆڵی نیاندەرتاڵ بە هاوبەشی گالەری لەپ زێرین ئەم نمایشە بەرێوەبەرین.