گۆڤاری (فانیتی فیر) بڵاویكردەوە كە دەوڵەتی قەتەر بەنیازە تابلۆیەكی هونەری بكڕێت كە دەبێتە گرانترین تابلۆ لەمێژوودا.
رۆژنامەكە زیاتر گوتی كە دەوڵەتی قەتەر ڕەزامەندی دەربڕیوە لەسەر كڕینی تابلۆیەكی هونەرمەندی جیهانی پۆڵ سیزار كە بۆ سەردەمی هونەری شێوەكاری هاوچەرخ دەگەڕێتەوە و بەرپرسانی ئەو وڵاتە ئامادەیی خۆیان نیشانداوە بۆ كڕینی ئەم تابلۆیە و بڕی 250 ملیۆن دۆلاریشیان تەرخان كردووە، شایەنی گوتنە بەرپرسانی ئەم دەوڵەتە بچووكە هەوڵ دەدەن بیكەن بەناوەندێكی ڕۆشنبیری جیهانی و پارەیەكی زۆریان تەرخان كردووە بۆ كڕینی تابلۆ و پارچە پاشماوە مێژووییەكان لەسەرتاسەری جیهان.