ماوه‌ی چه‌ند رۆژێكه‌ باری ته‌ندروستی هونه‌رمه‌ند ئیبراهیم حه‌كیم به‌ره‌و خراپی چووه‌ و بڕیاریش وایه‌ به‌م نزیكانه‌ نه‌شته‌رگه‌رییه‌كی بۆ ئه‌نجام بدرێت.

له‌م باره‌یه‌وه‌ كارۆخ ئیبراهیم حه‌كیم شانۆكار و كوڕی هونه‌رمه‌ند ئیبراهیم له‌ لێدوانێكدا ئه‌م هه‌واڵه‌ی پشت راست كرده‌وه‌ و رایگه‌یاند: راسته‌ ماوه‌یه‌كه‌ باری ته‌ندروستی باوكم تێكچووه‌ بۆ ئه‌م مه‌به‌سته‌ش بڕیار وایه‌ رۆژی یه‌كشه‌ممه‌ی داهاتوو له‌ شاری هه‌ولێر نه‌شته‌رگه‌ییه‌كی بۆ ئه‌نجام بدرێت، كارۆخ ئه‌وه‌شی ئاشكرا كرد سه‌ره‌ڕای سه‌ختی نه‌خۆشییه‌كه‌ی، به‌ڵام ئیبراهیم حه‌كیمه‌ نه‌كه‌وتووه‌، چونكه‌ گرنگی به‌ ته‌ندروستی خۆی ده‌دا و تا له‌ توانایدا هه‌بێت ناهێڵێت بكه‌وێت.
به‌ هیوای سه‌لامه‌تی بۆ هونه‌رمه‌ندی گه‌وره‌ ئیبراهیم حه‌كیم