(بریتنی‌ سپێرز)ی‌ گۆرانیبێژی‌ ئه‌مریكی‌، دواجار ڕێژه‌ی‌ 10 ملیۆن هاوڕێی‌ له‌سه‌ر سایتی‌ تویته‌ر تێپه‌ڕاندو به‌مه‌ش بووه‌ شه‌شه‌مین كه‌س له‌مێژووی‌ ئه‌و سایته‌دا، كه‌ ئه‌و ڕێژه‌ زۆره‌ تێپه‌ڕێنێت.

هاوڕێكانی‌ سپێرز له‌سه‌ر تۆڕی‌ كۆمه‌ڵایه‌تی‌ تویته‌ر گه‌یشته‌ نزیكه‌ی‌ 10 ملیۆن‌و 157 هه‌زار كه‌س له‌سه‌رانسه‌ری‌ دنیادا، سپێرز ئه‌م پێگه‌یه‌ی‌ له‌تویته‌ردا ته‌نها بۆ به‌رده‌وامبوون له‌گه‌ڵ‌ سه‌رسامه‌كانی‌ كردووه‌ته‌وه‌، هه‌روه‌ها بۆ ئاگاداركردنی‌ عاشقانی‌ ده‌نگی‌ له‌كات‌و شوێنی‌ سازكردنی‌ ئاهه‌نگه‌كانی‌.

پێشتر هه‌ریه‌كه‌ له‌گۆرانیبێژان (له‌یدی‌ گاگا، گاستن بیبه‌ر، كایتی‌ بیری‌)‌و ئه‌ستێره‌ی‌ دنیای‌ سینه‌ما (كیم كارداشیان)‌و سه‌رۆكی‌ ئه‌مریكا (باراك ئۆباما)، توانییان ڕێژه‌ی‌ 10 ملیۆن هاوڕێ‌ تێپه‌ڕێنن، به‌رپرسانی‌ سایته‌كه‌ش چاوه‌ڕوان ده‌كه‌ن كه‌سی‌ حه‌وته‌م، كه‌ ئه‌م ڕێژه‌یه‌ تێپه‌ڕێنێت (شاكیرا)ی‌ كچه‌ گۆرانیبێژی‌ كۆڵۆمبی‌ ده‌بێت.