جۆنی دیپ ده‌ست له20 ملیۆن دۆلار ده‌شواته‌وه
به گوێره‌ی هه‌واڵی ماڵپه‌ڕی سینه‌مایی "خه‌به‌ر ئۆنلاین"، مشتومڕ له‌سه‌ر رێژه‌ی بودجه‌ی ئه‌م فیلمه بوو به هۆی ئه‌وه‌یكه وێنه‌گرتنی ئه‌م فیلمه به گوێره‌ی خشته‌ی كاتیی دیاریكراو له پاییزی ئه‌مساڵدا ده‌ستپێنه‌كرێت.
رێنجێری ته‌نیا سه‌ره‌تا بڕیاربوو به بودجه‌یه‌كی 250 ملیۆن دۆلاریی دروستبكرێت، به‌ڵام ئێستا ئه‌م بودجه‌یه بۆته 215 ملیۆن دۆلار.
ئه‌و جۆره‌ی كه باسده‌كرێت، ستافی سه‌ره‌كیی فیلمه‌كه قبوڵیانكردووه كه مووچه‌یه‌كی كه‌متر وه‌رگرن له‌و رێژه‌یه‌ی كه بۆیان دیاریكرابوو. به‌م پێیه جۆنی دیپ 20 ملیۆن دۆلار وه‌رناگرێت و جێری بروكهایمێری به‌رهه‌مهێنه‌ر وگور ڤێربینسكیی ده‌رهێنه‌ریش هه‌ریه‌كه‌و 10 ملیۆن دۆلار وه‌رناگرن.
رێنجێری ته‌نیا دووباره دروستكردنه‌وه‌ی وێستێرنێكی كلاسیكه. دیپ بڕیاره رۆڵی سه‌ره‌كیی تۆنتۆ بگێڕێت و ئارمی هه‌مێریش رۆڵی رێنجێری ته‌نیا ده‌گێڕێت.
