سه‌ره‌ڕای سه‌ره‌ڕۆییه‌كانی خۆی، برێتنی ئامۆژگاری بیونسی ده‌كات
برێتنی له چوارچێوه‌ی ئاهه‌نگی دابه‌شكردنی خه‌ڵاته‌كان (ئێم تی ڤی) رایگه‌یاند: من هه‌ست به خۆشی دایكایه‌تی ده‌كه‌م، له هه‌مان كاتدا ده‌زانم چه‌ند ئه‌رك و به‌رپرسیاریه‌تی و وماندووبوونیش ده‌خاته ئه‌ستۆی دایك، بۆیه ئامۆژگاریم بۆ بیونسی ئه‌وه‌یه كه‌وا سوود له هه‌ر چركه‌یه‌ك له چركه‌كانی ته‌مه‌نی دایكایه‌تی وه‌ربگرێت و پێویسته هه‌ر زوو مۆڵه‌تێك له كاره‌كانی وه‌ربگرێت و لێیان دووربكه‌وێته‌وه و هه‌موو كاره هونه‌رییه‌كانی بۆ ماوه‌یه‌ك بوه‌ستێنێت، برێتنی زیاتر رووی له بیونسی كرد و پێی گوت: بۆ سێ ساڵ مۆڵه‌ت وه‌ربگره و هه‌مووی ته‌رخان بكه بۆ منداڵه‌كه‌ت، ره‌نگه پێت زۆر بێت، به‌ڵام خۆیشت نازانی ئه‌و سێ ساڵه چۆن ده‌ڕوات.
