شاكیرا به كه‌سایه‌تى ساڵ ده‌ستنیشان ده‌كرێت
شاكیرا پالێوراوه بۆ به‌ده‌ستهێنانى سێ خه‌ڵاتى گرامى لاتینى بۆ ئه‌م ساڵ ، له نێوانیشیاندا خه‌ڵاتى باشترین ئه‌لبۆم ، هه‌روه‌ها ته‌نها ڕێز له گۆرانیه‌كان و كارى مۆسیقاى ناوبراو ناگیرێت ، به‌لكۆ ڕێز له كاره خێرخوازیه‌كانیش ده‌گرێت كه ئه‌نجامى داون .
گابریل ئه‌باروا سه‌رۆكى ئه‌كادیمیاى تۆمارگاى لاتینى له به‌یانێكدا وتى" بۆ من سه‌ربه‌رزیه كه ڕێز له ئافره‌تێكى چالاك له بوارى چاودێرى كۆمه‌لایه‌تى و به‌ناوبانگ له بوارى گۆرانى و مۆسیقا له جیهاندا ده‌گیرێت .
جێی باسه شاكیراى ته‌مه‌ن 34 ساڵ وه‌ك گۆرانی بێژێك له نه‌وه‌ده‌كاندا له نێوان مۆسیقاى ڕۆك و مۆسیقاى لاتینى و مۆسیقا ده‌ریاى ناوه‌ڕاست ناوبانگى ده‌كردوه ، وه ناوبراو خاوه‌ن رێگایه‌كى تایبه‌تى سه‌ماكردنه .
شایه‌تى باسه خه‌ڵاتى گرامى لاتینى به به‌رزترین خه‌ڵاتى مۆسیقاى لاتین هه‌ژمار ده‌كرێت .
