شیرین: نه‌ده‌كرا ره‌خنه له موباره‌ك بگرم
سه‌رۆكی میسر بوو.
شیرین له چوارچێوه‌ی به‌رنامه‌ی(سوپه‌ر ستار) دانی به‌وه‌ی نا كه ناچار نه‌بووه گۆرانی بۆ موباره‌ك، به‌ڵام له هه‌مان كاتدا نه‌یده‌توانی ره‌خنه له خۆی یان له جه‌مال و علای كوڕه‌كانی بگرێت، ئه‌مه‌ش له‌به‌ر نه‌بوونی هیچ جۆره دیموكراسییه‌تێكی راسته‌قینه له میسر، شیرین زیاتر گوتی: له وڵاتێك كه هیچ جۆره دیموكراسیه‌تێكی تێدا نه‌بی كه‌س توانای ئه‌وه‌ی نه‌بوو به‌شێوه‌یه‌كی بابه‌تیانه ره‌خنه له رژێم بگرێت، ئه‌مه‌ش بۆ ئه‌وه‌ی گه‌ڕانده‌وه كه مرۆڤ له میسر هیچ به‌هایه‌كی نه‌بوو و ئه‌گه‌ر به ئاشكرا ره‌خنه‌ی گرتبا ئه‌وا له‌لایه‌ن دارو ده‌سته‌ی رژێمه‌وه تووشی كێشه و گرفت ده‌بوو و دوور نییه له ناویان بردبا.
شیرین ئه‌وه‌شی راگه‌یاند كه دژی دادگایی كردنی حوسنی موباره‌كه، چونكه نه‌خۆشه و ته‌مه‌نی گه‌وره‌یه، به‌ڵام گه‌لی میسر پێویستی به‌وه‌یه كه مافی شه‌هیده‌كانی له خوێنمژه‌كان بسه‌نێته‌وه، له هه‌مان كاتدا پشتگیری له داگایی كردنی جه‌مال و عه‌لای كوڕانی موباره‌ك كرد وه‌ك هه‌ر هاووڵاتیه‌كی میسری و ئه‌گه‌ر له دادگا تاوانبار كران ئه‌وا ده‌بی به سزای عادیلانه‌ی خۆیان بگه‌ن و نابێ كه‌س به‌زه‌یی پێیان بێته‌وه.
