دوو ئاهه‌نگێن ئادیل دهێنه پاش ئێخستن
پشكا عه‌ره‌بییا مالپه‌رِێ تورا بی بی سی یا بریتانی به‌لاڤكریه، ئالفرێدۆ ئاباد رێڤه‌به‌رێ كارێن سترانبێژێ راگه‌هاند "ژ به‌ركو ئادیل سه‌رما بویه و یا نه‌خوشه، ئاهه‌نگێن وێ دێ بهێته پاش ئێخستن".
ئیماژه دا وێ چه‌ندێ ژی "ئه‌و بلیتێن هاتینه فروتن دێ بكار ئێن، به‌لێ دێ ده‌مێ برێڤه‌چونا ڤان دوو ئاهه‌نگان بهێته گورین".
ئادیل وه‌رگرا خه‌لاتا گرامی یا موزیكی، ب رێكا چه‌ند سترانه‌كێن خو به‌رنیاس بویه، ژ وانا "چیزینگ بیفمینتس" و "سموان لایك یو".
ژ لایه‌كێ دیڤه ئه‌لبوما سترانبێژێ یا ب ناڤێ "21" كێبه‌ریێ دكه‌ت بو ب ده‌ست خستنا خه‌لاتا موزیكییا مێركۆری 2011، كو بریار ئه‌وه ل ڤێ هه‌فتیێ بهێته راگه‌هاندن.
ئایدل ل سالا 1988 ل تۆتنهام ل بریتانیا ل دایك بیه، د ژیێ 16 سالیێدا ده‌ست ب كارێ ستران گوتنێ كریه، ئه‌لبوما خویا ئێكێ ب ناڤێ "19" به‌لاڤكر و پتر ژ دوو ملیۆن كوپی لێ هاتنه فروتن.
