شێوەكاری كورد دارا ئارام، لەدرێژەی كردنەوەی پێشانگا شێوەكارییەكانی لەهەندەران، پێشانگایەك لەژێر ناوی "تاڤگەكانی زەمەن" لە تۆرێنتۆی وڵاتی كەنەدا دەكاتەوە.
دارا ئارام لە لێدوانێكیدا گوتی "كارەكانم لەم پێشانگایەدا بەردەوامبوونی زیاتر گەشتە بیوگرافیایەكی منە بەنێو هەردوو جیهانی زیهنیی، هونەریی و پراكتیكیی گوزەرانمدا، كە ساڵەهای ساڵە لە نێوان چوار دیواری بە ئەندازەی جیوگرافیا بچووك و بە ئەندازەی رامانیش هێندەی ئاسمانا، بەردەوام و بێ وچان رەنگیان دەكەم".
گوتیشی "هەڵبەت هەڵبژاردنی ژیانی تاراوگە و ووردبوونەوە لە هەر دیاردە و سیستەمێكی نایەكسانیی و گەندەڵیی و .. هتدی ئەم جیهانە، لە هەركوێ بن، ئەوە بۆ مرۆڤی هونەرمەند زیاتر لە هەمووان مایەی باج دانێكی فیكریی و فیزیكیی ئێجگار سەخت ترن، بەڵام كەمێك خۆشبەختانەتر و لایەنی كەم، هەمیشە قەرەبووی مشتێك لە خەرواری ئەو ئازارە خوودیی و ئینسانیانە لای من، بریتیی بوون لەو پەیوەندییە رۆحییەی كە لە ئەزەلەوە بۆ ئەبەد لەگەڵ جوانیی و پیرۆزییەكانی سرووشت دا گرێم داوون".
روونیشیكردەوە "هەرگیز لە هیچ كارێكی هونەریمدا ئەو لایەنە گرنگ و سەبووریی بەخشەی دۆستایەتیی سرووشتم فەرامۆش نەكردووە، دیاریی من بۆ میوانان هەمیشە ئەو دەنگ و رەنگانە بوون، كە زۆرجار چوون هاوسەفەرێك و رووە و قووڵایی ماناكان".
ئاماژەی بۆ ئەوەشكرد "سەرباری ئەوەی زۆربەی بینەران خۆیان لەگەڵ رازەكانی مندا دیوەتەوە، هاودەم هەستم بەو راستییە كردووە كە زۆر لەو مرۆڤانە بێ هیچ جیاوازییەكی زیهنیی و بۆدی تەكنیكیی و هتد . . پێكأا دەست لە ملانێ سرووشتی ناوبراو، خۆم ئاسا و وەك كەمێك راكردن لە سەر ئێشە زۆرەكانی گووزەرانی سەخت، بەختەوەرانە لەگەڵ نەسیمی رەنگ و هاژەی پلووسكی خۆر و سەما بالێی شەپۆلەكاندا، مەودایەكی زۆر هێووریی و رامانی سپیی بێ سنوور ئاوێتەی رۆحمان بووە".
ئەوەشی خستە روو "زۆر بەختەوەر دەبین ئەگەر دیاریی ئەمجارەشمان هەمان گەشتی بێ سانسۆری رۆتین و بێ فیزەی بیرۆكراتییەتی ئەم ژیانە جەنجاڵەمان بۆ ساز بداتەوە".
ئەم پێشانگایە لە 23 ئەیلول/ سێپتێمبەر تا 1 تشرینی یەكەم/ ئۆكتۆبەر 2011 لە گەلەری Cedar Ridge Gallery، تۆرێنتۆ گەورەترین شاری كەنەدا بەأێوەدەچێت.