لە نوێترین كاری هونەری خۆیدا هونەرمەندی گۆرانیبێژ ئیقبال ئەتمانی كۆتایی هێنا بە كارەكانی دووەمین گۆرانی خۆی.
گۆرانی "ب تەنێ مای" لە تێكستی ئیقبال ئەتمانی و ئاواز و میوزیكی فەرشاد نەدیمی بە سپۆنسەری كۆمپانیای كارزۆن كلیپ كرا، كە عادل ئاكرەیی وەك وێنەگر و دەرهێنەر كاری تیاكردووەو شابۆ شابۆ مۆنتاژی بۆ كردووە.
لە لێدوانێكی تایبەتدا ئیقبال ئەتمانی گوتی"دووەمین گۆرانی كلیپكراوم گۆرانی "ب تەنێ مای"یە، كە لەو ماوەیەدا كۆتاییم هێنا بە كارەكانی كلیپ كردنی و بڵاوكرایەوە".
ئیقبال گوتیشی"لە یەكەم بەرهەممدا جەماوەر پێشوازییەكی باشیان لە گۆرانییەكەم كردو لە ئێستاشدا دووەمین گۆرانیم بڵاوكردۆتەوە، ئەگەر وەكو بەرهەمەكەی دیكەم پێشوازی لێ بكرێ ئەوا كار بۆ ئەلبوومێك دەكەم و هەوڵیش دەدەم بە شێوەزاری سۆرانی گۆرانی بڵێم".