هیلاری سوانك به‌وه‌ ناسراوه‌ كه‌ روو له‌ هه‌ر شوێنێك بكات ئه‌وا سه‌رنجی جه‌ماوه‌ر بۆ خۆی راده‌كێشێت و ده‌بێته‌ بابه‌تی به‌رگی گۆڤاره هونه‌رییه‌كان.
به‌ر له‌ چه‌ند رۆژێك هیلاری به‌شداری له‌ فیستیڤاڵی Griffonsدا كرد كه‌ تایبه‌ته‌ به‌ فیلمه‌ ئیتالییه‌كان .
ئه‌وه‌ی ئه‌م جاره‌ زیاتر بووه‌ مایه‌ی راكێشانی سه‌رنجی جه‌ماوه‌ر و رۆژنامه‌نووسان ئه‌و كراسه‌ زه‌رده‌ جوانه‌ بوو كه‌ بۆ یه‌كه‌مجار بوو به‌وشێوه‌ ده‌رده‌كه‌وێت، ئه‌م كراسه‌ له‌ دیزاینی تۆری بۆش بوو، سوانك به‌م بۆنه‌یه‌وه‌ی به‌ جه‌ماوه‌ره‌كه‌ی و رۆژنامه‌نووسانی ڕاگه‌یاند كه‌ به‌ نیازه‌ دووباره‌ بگه‌ڕێته‌وه‌ سه‌ر شاشه‌ی سینه‌ما به‌ فیلمێكی رۆمانسی كۆمیدی به‌ناوی (New Year’s Eve) كه‌ به‌ شێوازێكی نوێ تێیدا ده‌رده‌كه‌وێت و بڕیار وایه‌ به‌م نزیكانه‌ له‌ سه‌رتاسه‌ری جیهان نمایش بكرێت.