نه‌سمه‌ مه‌حجوب كه‌ خاوه‌نی ده‌نگێكی ئۆپرالیه‌، بووه‌ ئه‌ستێره‌ی ساڵی هه‌شته‌می ستارئه‌كادیمی عه‌ره‌ب كه‌ له‌ كه‌ناڵی LBC لوبنان په‌خش ده‌كرێت.

نه‌سمه‌ی ته‌مه‌ن 21 ساڵ خه‌ڵكی وڵاتی میسره‌، دوێنێ هه‌ینی له‌ ئاهه‌نگی فیناڵی به‌رنامه‌ی ستار ئه‌كادیمی به‌ كۆكردنه‌وه‌ی 48% ده‌نگه‌كان كه‌له‌رێگه‌ی كورته‌نامه‌ و ئینته‌رنیچته‌وه‌ كۆكرابونه‌وه‌ توانی پله‌ی یه‌كه‌م به‌ده‌ست بێنێت و ببێت به‌ ئه‌ستێره‌ی هه‌شته‌می ستار ئه‌كادیمی.

مه‌حجوب كه‌ ده‌توانىَ به‌هه‌ردوو زمانی عه‌ره‌بی و ئینگلیزی گۆرانی بڵێت و، ده‌نگێكی ئۆپراڵی و ره‌سه‌نی هه‌یه‌ و نه‌فه‌سێكی درێژی هه‌یه‌ له‌ وتنی گۆرانییه‌كان، له‌شه‌وی فیناڵدا له‌گه‌ڵ هه‌ردو ركابه‌ر، ئه‌حمه‌د عزه‌ت و ساره‌ فه‌ره‌ح مابۆوه‌.

له‌ئاهه‌نگی فیناڵ هه‌ردوو گۆرانیبێژی به‌ناوبانگی عه‌ره‌بی نه‌جوا كه‌ره‌م و صابر روباعی به‌ژدار بوون، صابر داوای له‌ به‌ژدابوه‌كان كرد كه‌ له‌سه‌ر سروشتی خۆیان گرانی بلێن و هه‌رگیز له‌خۆیان نه‌گۆرٍێن، ته‌نانه‌ت ئه‌گه‌ر بون به‌ ئه‌ستێره‌ی گه‌وره‌ له‌داهاتودا.

رولا سه‌عد رایگه‌یاند به‌م زوانه‌ به‌رواری كۆكردنه‌وه‌ی لێهاتوه‌كانی ساڵی نۆیه‌می ستار ئه‌كادیمی ئاشكرا ده‌كرێت.