له‌ نوێترین كارى خۆیدا سه‌ركه‌وت ره‌سولى شاعیر به‌ سازكردنى كۆرِێكى شیعری ئاوێزانى هه‌وادارانى ده‌بێ.

ئه‌م كۆرِه‌ كه‌ له‌لایه‌ن ده‌زگاى میوزیك و كه‌له‌پوورى كورد سازده‌كرێ و تێیدا به‌ پاڵپشتى میوزیك كۆرِه‌كه‌ رازاوه‌تر ده‌بێ.

له‌ لێدوانێكى تایبه‌تدا هه‌نگاو ئه‌نوه‌ر شێخانى به‌رِێوه‌به‌رى ده‌زگاى میوزیك و كه‌له‌پوورى كورد گوتى"كاتژمێر 5ى ئێواره‌ى رۆژی دووشه‌ممه‌ 18/7/2011 له‌ هۆڵی به‌رِێوه‌به‌رایه‌تى چالاكى قوتابخانه‌كان كۆرِێكى شیعری بۆ شاعیری پرِ ئه‌زموون سه‌ركه‌وت ره‌سول سازده‌كه‌ین".

هه‌نگاو گوتیشی"له‌م ئێواره‌یه‌دا سه‌ركه‌وت ره‌سول ملوانكه‌ى هه‌میشه‌یی ئه‌فراندن له‌ گه‌ردنى ژیانى هه‌موومان ده‌كات".
شایانى باسه‌ سه‌ركه‌وت ره‌سول وه‌ك شاعیرێك خاوه‌نى چه‌ند نامیلكه‌یه‌كى شیعرییه‌و به‌ سه‌دان شیعریشی له‌لایه‌ن گۆرانیبێژانى كورد كراوه‌ته‌ گۆرانى.