تیپى مۆسیقاى فۆلكلۆرى هه‌ولێرى سه‌ر به به‌رێوه‌به‌رایه‌تیى گشتیى رۆشنبیرى و هونه‌رى پارێزگاى هه‌ولێر له سه‌ر بانگهێشتى به‌رِێز پاتریس میوگنى وه‌زیرى رۆشنبیرى هه‌رێمى جنێف، سه‌ردانى ولاَتى كۆنفیدراڵى سویسرا ده‌كات بۆ سازدانى دوو كۆنسێرت له رۆژانى 17 و 18 مانگى ئادار، یه‌كه‌میان له شارى جنێف ودووه‌میان له شارى ئه‌نێماسێى فه‌ره‌نسى. تیپى مۆسیقاى فۆلكلۆرى هه‌ولێر كه هونه‌رمه‌ند وریا ئه‌حمه‌د سه‌رپرشتى ده‌كات و له ژماره‌یه‌ك هونه‌رمه‌ندى خاوه‌ن ئه‌زموون و لاو پێكهاتووه، له‌م گه‌شته‌دا به ئامێرى ره‌سه‌نى كوردى ئاواز وگۆرانى فۆلكلۆرى پێشكه‌ش به ئاماده‌بووان و هونه‌ر دۆستانى كورد و سویسرى و فه‌ره‌نسى ده‌كات. ئامانجى ئه‌م گه‌شته، كه به‌رِێز د. شه‌ماڵ حه‌وێزى ب. گشتیى رۆشنبیرى وهونه‌رى هه‌ولێر سه‌رۆكایه‌تى ده‌كات، وێرِاى ناساندنى هاولاَتیانى ئه‌و شارانه‌یه به ئاواز وگۆرانى فۆلكلۆرى كوردى ، ژماره‌یه‌ك كۆبوونه‌وه له‌گه‌ڵ وه‌زیر ولایه‌نى به‌رپرسى رۆشنبیرى و هونه‌رى سویسرى ئه‌نجام ده‌دات بۆ پته‌وكردنى په‌یوه‌ندییه هونه‌ریی ورۆشنبیرییه‌كان له نێوان گه‌لانى كوردستان و سویسرا دا.
یه‌كه‌م كۆنسێرت له شارى جنێف رۆژى 17/3/2011 كات ژمێر 8 - ئێواره له هۆڵى ئه‌لهه‌مبرا له شارى جنێف ساز ده‌كرێت .
دووه‌م كۆنسێرت كات 8:30 ئێواره‌ى رۆژى 18/3/2011 له شارى ئه‌نێماسێى فه‌ره‌نسى ساز ده‌كرێت كه ده‌كه‌وێته سه‌ر سنوورى سویسرا و فه‌ره‌نسا.
راگه‌یاندنی:به‌رێوه‌به‌رایه‌تی گشتی رۆشنبیری وهونه‌ری هه‌ولێر
