ســــهرۆك نــێــچــيـــرڤـــان بـــارزانـــى پێشوازى له فهرماندهى هاوپهيمانان كرد
![ســــهرۆك نــێــچــيـــرڤـــان بـــارزانـــى پێشوازى له فهرماندهى هاوپهيمانان كرد](https://gulanmedia.com/public/images/posts/20240822133343_original_40.jpg )
بهيانيى ئهمڕۆ پێنجشهممه 2024/8/22 بهڕێز نێچيرڤان بارزانى، سهرۆكى ههرێمى كوردستان، له كۆبوونهوهيهكدا لهگهڵ بهڕێز جهنهراڵ كيڤن ليهى، فهرماندهى هێزهكانى هاوپهيمانيى نێودهوڵهتيى دژى داعش له عێراق و سووريا و شاندێكى ياوهرى، دۆخى ئهمنيى ناوچهكهيان تاوتوێ كرد.
ههردوولا هاوڕا بوون كه داعش هێشتا مهترسييهكى جددى و ڕاستهقينهيه و به پهلامارهكانى له عێراق و سووريا، ههڕهشهى بهردهوام له ئارامى و سهقامگيريى ناوچهكه دهكات. لهمبارهيهوه جهختيان له گرنگى و پێويستيى بهردهواميى ئهرکی هاوپهیمانیی نێودهوڵهتی و هاريكاريى هاوبهشى سوپاى عێراق و پێشمهرگه لهگهڵ هێزهكانى هاوپهيماناندا كردهوه بۆ بهرهنگاربوونهوهى تيرۆر و دڵنيابوونهوه له تێكشكاندن و لهناوبردنى يهكجارهكيى داعش.
له تهوهرێكى ديكهدا دوايين ههنگاوهكانى پرۆسهى يهكخستنهوهى پێشمهرگه و چاكسازى له وهزارهتى كاروبارى پێشمهرگه خرانه بهر باس و داكۆكى له سهرخستنى پرۆسهكه كرا. سهرۆك نێچيرڤان بارزانى دووپاتى كردهوه كه ههرێمى كوردستان موكوڕه له سهرخستنى چاكسازى و يهكخستنهوهى پێشمهرگه و نههێشتنى تهگهرهكانى بهردهمى، ههروهها ستايشى هاريكارى و پشتگيريى هاوپهيمانيى نێودهوڵهتى له پرۆسهكه كرد.
له كۆبوونهوهكهدا كه بهڕێزان وهزیری پێشمهرکه، سوپاسالاری پێشمهرگه و كونسوڵى گشتيى ئهمهريكا له ههرێمى كوردستان ئامادهى بوون، باس له دوايين پێشهاتهكان و ئهگهر و لێكهوتهكانى دۆخى ئاڵۆزى ڕۆژههڵاتى ناوهڕاست كرا. ههردوولا جهختيان له پێويستيى پاراستنى سهقامگيرى و دوورخستنهوهى ناوچهكه له پشێوى و ئاڵۆزيى زياتر كردهوه.
![ســــهرۆك نــێــچــيـــرڤـــان بـــارزانـــى پێشوازى له فهرماندهى هاوپهيمانان كرد](https://gulanmedia.com/public/images/posts/20240822133515_big_770x552_11.jpg )