سهرۆكى ناوهندهكان و یهكێتییه پسپۆرِییهكان ههڵبژێردران
![سهرۆكى ناوهندهكان و یهكێتییه پسپۆرِییهكان ههڵبژێردران](https://gulanmedia.com/public/old_images/topics/huner-2wsaaqq1221.jpg )
دوابهدواى ئهوهى له ماوهى رابردوو دووهمین كۆنگرهى سهندیكاى هونهرمهندانى كوردستان بهرِێوهچوو، دواجار ستافی لقهكان و سهرۆكى یهكێتییه پسپۆرِییهكان ههڵبژێردران.
بهپێی راپۆرتى راگهیاندنى سهندیكاى هونهرمهندانى كوردستان لهماوهى رابردوودا سهرۆكى لقهكانى سهندیكاى هونهرمهندانى كوردستان و یهكێتییه پسپۆرِییهكان ههڵبژێردران.
ههر لهو بهیاننامهیهدا هاتووه كه "هیوا سوعاد- سهرۆكى لقی ههولێر، نهجم هۆگر- سهرۆكى لقی سلێمانی، زیاد عابد- سهرۆكى لقی دهۆك، چالاك سدیق- سهرۆكى لقی كهركووك"ى سهندیكاكهن و به ههڵبژاردنى ئهندامانى سهندیكا به ئامادهبوونى دادوهر بهرِێوهچوو.
دواى ههڵبژاردنى ستافی لقهكانیش، سهرۆكى یهكێتییه پسپۆرِییهكان ههڵبژێردران، كه بریتین له"مهسعود عارف- سهرۆكى یهكێتى فیلمسازانى كوردستان، ئهرسهلان دهروێش- سهرۆكى یهكێتى شانۆكارانى كوردستان، سازان عهلى- سهرۆكى یهكێتى شێوهكارانى كوردستان، لوقمان سابر- سهرۆكى یهكێتى میوزیكژهنانى كوردستان".
شایانى باسه ئهو هونهرمهندانهى كه ههڵبژێردراون لهگهڵ 7 ئهندامهكهى دیكه بوونهته ئهندامى ئهنجوومهنى سهندیكاى هونهرمهندانى كوردستان.