دەربارەی دوایین كاری هونەری خۆی كچە گۆرانیبێژ نازك نێروەیی بە گۆڤاری گوڵانی راگەیاند ئێستا خەریكی تۆماركردنی گۆرانییەكی نوێیە كە پێكدێت لە چوار بڕگە، نازك زیاتر وتی: ئەم چوار بڕگانە بریتین لە گۆرانی چوار هونەرمەندی نەمر و بەشێوەیەكی نوێ پێشكەشی دەكات، و پەنا بە خوا بەم نزیكانە بە كۆتایی دێت و لە توركیا وێنەی دەگیرێت.

دەربارەی گۆرانی (بەس تۆ) كە بە شێوەزاری سۆرانی بڵاوی كردبۆوە، نازك دەڵێ: جەماوەر بەشێوەیەكی زۆر باش پێشوازییان لەم گۆرانییە كرد بەتایبەتی لە شارەكانی هەولێر و سلێمانی، بەڵام خۆم زۆر لێی رازی نەبووم بەتایبەتی سیناریۆ و وێنەگرتنی كلیپەكە زۆر بە دڵم نەبوو و لە ئاستی ئەو تێكست و ئاوازە نەبوو، لەلایەكی دیكەوە نازك گوتی: جگە لەم گۆرانییە چوار بڕگەییە ئێستا خەریكی تۆمار كردنی وێنەی گۆرانی (عەشقا من و تە)م كە یەكێكە لە گۆرانییەكانی دوایین بەرهەمم و لە كوردستان وێنەی دەگیرێت.