مێرنا خەیات یەكێكە لە ئافرەتە سەركەوتوو و دیارەكانی بواری دەرهێنان لە وڵاتانی عەرەبیدا و كلیپەكانی هەمیشە بە كلیپە سەركەوتووەكان وەسف دەكرێن و بەم دواییەش خەڵاتی باشترین دەرهێنەری ئافرەتی بەدەستهێنا لە پێشبڕكێی ئۆسكاری ڤیدیۆ كلیپ.
دەربارەی كاركردنی لەگەڵ هونەرمەندان و پێوەندیی لەگەڵیان، مێرنا دەڵێ: پێوەندییەكی ئاساییم هەیە لەگەڵ هەموو ئەو هونەرمەندانەی كاریان لەگەڵدا دەكەم، جیاوازی ناكەم لەنێوانیان ئەوەی بە لای منەوە گرنگە كەسایەتی هونەرمەندەكەیە نەك جوانی و رووخساری دەرەوەی یان ناوبانگی، گرنگ ئەوەیە بەشێوەیەك پێشكەشی جەماوەری بكەم كە لێم رازی بێت و دەستخۆشیم لێبكات.