خانمە ئەكتەری میسری سوهێر رەمزی دووپاتی كردەوە كە زۆر شەرم لە خۆی دەكاتەوە و هەست بە ناخۆشی و پەشیمانی دەكات كاتێك دیمەنە وروژێنەر و سەرنجڕاكێشە كۆنەكانی خۆی دەبینێتەوە، چونكە گشت دیمەنەكان راستەقینەن و فێڵی سینەمایی نین وەك خەڵك هەست دەكات، هەروەها زۆریش پەشیمانە لەوەی قوربانی بە دایكایەتی داوە لەپێناو خۆویستن و خۆشەویستی بۆ ناوبانگ دەركردن.

سوهێر كە ئێستا حیجاب پۆشە ئەوەی رەتكردەوە كە رەخنەی لە هونەرمەند سابرین گرتبێت بەهۆی ئەوەی بەم دواییە لە كارێكی هونەریدا بارۆكەی بەكارهێنابێت، سوهێر لە دیمانەیەكی لەگەڵ كەناڵی نیل لایڤ وتی:خۆپەرستی وای لێكردم كە بیر لە هیچ شتێك نەكەمەوە تەنیا دەركەوتن و ناوبانگ نەبێت، بەجۆرێك خۆیشم لە یاد كردبوو. بۆیە ئێستاش نازانم چۆن قوربانیم بە دایكایەتی داوە لەپێناو هونەر و ناوبانگ دەركردن.