شه‌وی یه‌كشه‌ممه‌ رابردوو فرِۆكه‌ی هه‌ڵبژارده‌ی ئه‌لمَانیا كه‌ به‌ره‌و وڵاتی باشووری ئه‌فه‌ریقاى ده‌بردن، بۆ مۆندیالی 2010، زیاتر له‌ نیو كاتژمێر له‌ واده‌ی خۆی دواكه‌وت، ئه‌مه‌ش به‌هۆی گه‌یشتنی گۆرانیبێژی پۆپی جیهانی (شاكیرا) بۆ هه‌مان فرِۆكه‌خانه‌ له‌ فرانكفۆرت، چونكه‌ فرِۆكه‌ی گۆرانیبێژی ناوبراو له‌ واده‌ی گه‌یشتنی خۆی دواكه‌وتبوو.
جێى باسه‌ شاكیرا به‌م زووانه‌ له‌ تۆماركردنی گۆرانی (واكا واكا) ته‌واو بووه‌ كه‌ بۆ ئاهه‌نگی ده‌ستپێكردنی جامی جیهانی تۆماری كردووه‌، ئه‌مه‌ش دووه‌مین جاره‌ شاكیرا له‌و ئاهه‌نگانه‌دا به‌ژداری ده‌كات، دوای ئه‌وه‌ی له‌ مۆندیالی ئه‌ڵمانیا 2006 له‌ ئاهه‌نگی كۆتایی به‌ژدار بوو.