رِۆبن به باشترین یاریزان و ڤان گال به باشترین رِاهێنه‌رى خولى ئه‌ڵمانیا هه‌ڵبژێردران
به‌مه‌به‌ستى ده‌ستنیشانكردنى باشترینه‌كانى وه‌رزى رِابردوى خولى ئه‌ڵمانیا ناسراو به (بۆندزلیگا) له رِێورِه‌سمێكدا كه 925 رِۆژنامه‌نوس و كه‌سایه‌تى وه‌رزشی ئه‌ڵمانى تێیدا به‌ژدارى كرد ده‌نگدان له‌سه‌ر باشترین یاریزان و باشترین رِاهێنه‌رى خولى ئه‌ڵمانیا له وه‌رزى رِابردو به‌رِێوه‌چو.
یانه‌ى بایه‌رمیونخ پشكى شێری به‌ركه‌وت كاتێك یاریزانى هه‌ڵبژارده‌ى هۆڵه‌ندا و یانه‌ى بایه‌رمیونخ (ئاریان رِۆبن) به باشترین یاریزانى وه‌رزى رِابردوى خولى ئه‌ڵمانیا دیار كرا.
هه‌روه‌ها رِاهێنه‌رى یانه‌ى بایه‌رمیونخ (ڤان گال)ـى هۆڵه‌ندى به‌باشترین رِاهێنه‌رى خولى ئه‌ڵمانیا ده‌ستنیشانكرا، به‌هۆى به‌ده‌ستهێنانى نازناوى خولى ئه‌ڵمانیا و جامى ئه‌ڵمانیا بۆ یانه‌كه‌ى و گه‌یاندنى یانه‌ى بایه‌رمیونخ بۆ یارى كۆتایی جامى یانه پاڵه‌وانه‌كانى ئه‌وروپا.
